حياكم الله....تعلوا شاركونا ....لا تستحون..........

[البندري]

سلاااااااااااااااام مليان عطر وحب لكل أعضاء ماتقى الاحبة في الله اتفضلوا حياكم الله ويا هلا وغلا بكم المنتدى منتداكم ادخلوا لا تستحون
اسفرت وانورت واستهلت وامطرت
يلا يا بنات وين القهوه والحلى وين الشاي والمكسرات
بنات ........... وشباب يلا جهزوا نفسكم نبغا مجلسنا دايم عامر بحسكم
ومشاركاتكم وقصصكم وربي لا يحرمني منكم
ادري تقلون هذي اش عندها ؟؟؟؟؟؟؟؟؟؟؟ أنا اقولكم فكرتي هي عبارة عن سوالبف ، قصص ومواعظ ، مواقف طريفة ، أو محرجة , أو حزينة حصلت لكم . حكايات شعبية ، قصص للعبرة ، يومياتكم واش صار لكم من مفارقات تحكونها لنا .
كل واحد يدخل يحكينا اش صار له اليوم ، معروف إن حياتنا عباره عن قصص ، تعالوا نحكي لبعض .
يعني المفتشر المنتشر ( اش معناها مدري بس مشوا حالكم ) تعالوا نتخيل نفسنا كلنا متجمعين في مجلس ( متجمعين عند النبي على قولتهم خخخخخخ) وحاطين القهوة والشاي بيننا ونحكي لبعض القصص الي مرت علينا . نبغا نضحك سوا ونفرفش سوا ونحزن ونتفاعل مع بعض وكننا عايشين في بيت واحد .
يلا همتكم معايه ابغا ادخل كل يوم واشوف كل الاعضاء متجاوبين معي يكفينا كسل ونوم . وجا وقت البريك والحكي . بس اتمنى ما تكون القصص طويله عشان ما يمل الي يقرا .[/FONT]اوكي أنا ببدا أول وحدة وبقولكم سالفة صارت لي . هذا يوم من الايام وانا في المتوسط كنت مريضه وحرارتي أربعين ومسويه نفسي طالبة مجتهده ( ابوووووووك يالشطاره خخخ ) صحيت الصبح ولبست وامي تقولي لا تروحين وأنا راسي وألف سيف أروح ما احب الغياب من زود الشطاره . المهم وأنا في الفصل صرت اشوف النور أخضر والمدرسه وزميلاتي يدورون وكني في ملاهي . أفتح عيوني وأحاول أركز مافي فايده ، كان أخر عهدي بمنى صاحبتي جالسه جنبي جلست أطالع فيها وهي تدور ( هههههههههه هي ما تدور بس انا راسي يدور من الحمى ) المهم قلت لمنى ، منى وقفي بقولك شي ، ولا عاد ادري عن نفسي الا وأنا في غرفة الأسعافات والمشرفة الاجتماعيه تحط على راسي كمادات ، ويوم شافتني فتحت الا هي تكشر في وجهي وتقول وجع فجعتينا يومك مريضه ليه جيتي المدرسة وامك الست الهانم نتصل عليها وحضرتها نايمه ما ترد ( شايفين كيف حنونه ورقيقه خخخخخخخخخخ ) يلا قومي ابلعي البنادول وخليك هنا لا ترجعين الفصل ، طبعاً ما رديت ( مو من زود الأدب لا من المرض مهدوده ) ، أخذت الحبة ( بس الله لا يوفقها جايبه لي مويه مثلجه واحنا في عز البرد ) ، وصرت اصب مويه على يديني وراسي والا صار شي طير عقلي وخلاني اقوم مثل الصاروخ من مكاني ولا كأني كنت مريضه خخخخخخخخخخخخخخخخخ سمعت البنات يصيحون جني جني جني من الدور الثالث وسحوره ما كذبت خبر شييييييييييييييييييييييييط والا أنا عند باب الشارع بسرعة البرق ( ايه لحد يضحك هذا جني مو حيا الله يفجع
يا ربييييييييه) والا صرت انشط من لعيبة الرياضه يا هووه الفجعه تسوي الي ما يتسوى .
وهذا الموقف مستحيل انساه
للمعلومية مدرستنا كانت مسكونه ومعانا بنت فيها مس لا دخلو الجن الفصل بيتعلمون فضحتهم وعلمتنا وهي اول من يصيح ويشرد واحنا وراها مع مدرستنا وعينك ما تشوف الا النور على الاداره عدل . بس ذي المره مدري اش الي وداني باب الشارع هههههههههههههههههه الله يجزاه بالخير البواب كان مقفل الباب والا كان صارت علوم ورياضيات وابن أبويه الي يلحقني خخخخخخخخخخ ( <<<<<<< مسخنه ما عليها شرهه )
يلا مين يحكيلنا حكايه حلوه فليتقدم ويمسك المايك خخخخخخخ
هيا دي لا مش دي يبأ الدور على دي ؟؟؟؟؟؟؟؟؟؟ مين الله اعلم
تحياتي

[محب الدعوة]

تم النقل للعام

ولي عودة بإذن الله