بـــــغـــ ـداد

[وسام المملكه]

السلام عليكم ورحمة الله وبركاته

هذه قصيدة للشاعر الصاعد / حماد بن حمدي المطرفي

شعر شعبي

بغداد

الكبت يوم تشوف شي ..وكن عينك ما تشوف!!=والكبت يوم تحس شي ..ولا انـت قادرتنطقـه!!
وتصير ميت حي ..واقف عالة ًبيـن الوقـوف!!=كذبه صحيح .. ولو يقول الصدق..ماحد ٍصدّقه!!
ياصاحبي..مافالزمن طيّب..ولافيـه امعـروف!!=وقتٍ يسوق الموت الاحمر مع رصاصة بندقـه!!
موتٍ يغولك..غول..لاطعنـة رمـاح ولاسيـوف=ويروح عمرك للأ لم مابيـن زفـره وشهقـه!!
كم لي..وانا اعانيك يالحرمان من حضن العطوف؟=كم لي..وانا والهم والغربال والحـرب حلقـه؟!!
أنا ادري انه مايعيش من الرجال إلا الضعـوف!!=والموت من حظ الشجيع اللـي يدينـه مطلقـه!!
الله!!يابغداد..كـم للعلـم طافـك مـن يطـوف!=والله!!يالبصره..ياكم تبصـرك عيـن ٍ مغرقـه!!
والله!!يالكوفه..على شانك ياماتصفـق كفـوف!!=اليا حلا النـوم لعديـم الراي..منـزوع الثقـه!!
تبدلت عين المها والجسر..بعيـون الخـروف!!=حتى الرصافه بالرصاصه .. واحمر الدمع ازرقه!!
يفداك يا أرض العراق الشامـخ اميـات وألـوف=ياكـم تأملـت العـراق يكـون فعـلاً محرقـه!!
لابنا العلوج..ابنا الخنازير..وخفافيـش الكهـوف=الخايبيـن السايـبـن الطغـمـه المستـرزقـه
حنا عرب ..وقت الشدايد مايدق القلـب خـوف=وأعني ..عرب ذاك الزمان اللي لياله مشرقـه!!
أيام .. ماكنا نعـرف الجبـن أنـواع وصنـوف=واليوم .. ناكل جبن أنواع .. وفطيره ومرقـه!!
الله أكبر..يانداءالحق..يـاجـمـع الـصـفـوف=صفـاً علـى التوحيـد للعليـا يرفـرف بيرقـه
يا حلم..ترجيـه العيون..وحمل..تنفيـه الكتـوف=يالمسلـم العاقـل تأمّـل ..خـاف ربـك واتقـه
يا من كتب شعر الغزل فـعيون نوف وخد نـوف=وين الغزل عني ..وانا والهم والحـرب حلقـه!!
لا واحسايف!..وش يفيد من التوجد والحسوف؟!!=في موقف ٍ يورث بقلب الحـر نـار ٍ تحرقـه!!
اليا اصبحت حريـة الإنسـان تُحكـم بالظـروف=كنه بنى له عشره ادوار وسكن فـي صندقـه!!!

وسلامكتم