رباعيات بابا سنفور [الأرشيف] - ملتقى الأحبة في الله

بابا سنفور

16 Mar 2004, 02:53 PM

<div align="center"> رباعيات زوج عربى جداً ............... فى ليله ســودا
ليس كل الذكور رجال .. وليس كل الإناث نساء
( قضية سالبة موجبة منفية مثبتة .. و مجربة أيضاً ) فاسمعوا
===============================================

هاتى مخك على مخى جنب شوية طحينه
وخيارة استراتيجى وقولى لجولدا صالحينا
واقفلى الباب على إبننا إسلام
عايزين ننام
... إياه يصحينا
عجبى
======
هاتى قلبك على قلبى .. عسى همك يفارقنا
و علّى راديو الغناوى واقفلى عاللى سارقنا
و افتكرى يوم ما حبيتك .. خايف أنا
الموت بيجرى خلفنا ؟
... وللا سابقنا
عجبى
======
أحضنى عينى بعينك وشوفي شكلى صح
لا انا بطل ولا مغوار .. كل دا بقى بح
أنا كلمنجى ضعيف .. و الضيف إذا جالنا
يلقى زجلنا
.. دوا .. لو عطس أو كح
عجبى
=======
بتفكرينى ليه بأرضى و بضياع طينى ؟
واخويا فى العراق وابنى الفلسطينى ؟
مش عايزة تنسى الآه .. و ألف آه منك
روحى نامى جنب ابنك
.. بس غطينى
وعجبى
=======
عجبى على حرمة .. النكـد تهواه
سواء على جدار أو على مجرى المياه
ولو غنيت لنانسى الغنوة تـخنقها
بكرة حطلقها
.. و اعجرم الحياة
وعجبى
=======
مع الإعتذار للإناث .. الرجال</div>