يايمه أنتي مو أمي (معاناة لقيط)

[ينابيع]

بليلة برد وبرق ورعد *** من خوفي بكت عيني

ولا أحد يحس فينــي *** أنا من لي أنا ويني

يايمه ليه تركتينــي *** بلا حس يدفينـــي

يايمه هانت دموعـي *** يايمه هانت سنيني

يادنيا وينهـا أمي؟؟ *** ليه يايمه تعافيـني؟؟

أنا ولدك أنا أنتي *** أنا ياكيف تنسيني ؟؟

أنا شسويت يايمه *** أنا شذنبي أنا شفيني

أنا غلطان يايمه *** أنا ياكيف بعتيني ؟؟

ياليتك جاهله يمه *** وبإيدك وأدتيــني؟؟

ياليتك قبل ما أحيى *** أنابجوفك قتلتينــي

أنا شسويت يايمه *** أنا شذنبي أنا شفيني

يايمه أحلف بربـي *** دعاء منك يحمينـي

يايمه ياترى وحشتك *** مثل ماأنتي وحشتيني

يايمه وينها عيونك *** من دموعي تواسيني

يهون عليك يايمه *** بلا أسم تخلينـــــي

أنا ساره أنا نوره؟؟ *** أنا كيف بتنادينـــي

أحس ببرد يايمه *** أبي صدرك يدفينــي

أحس بخوف يايمه *** أبي قلبك يغطينـــي

أنا شسويت يايمه *** أنا شذنبي أنا شفيني

حملتيني وسط جوفك *** وللوحدة رميتينــي

وكنت أسمع صدى نوحك *** يوم أنك ولدتيني

أبد ماهانت دموعك *** يوم أنك بكيتيـــني

يايمه أسألي سجودي *** بأعلى الصوت يدعيني

يايمه أسألي ركوعي *** من حالي بيرثينـــي

يايمه أسألك أنتــي *** الى يومك تحبينـــي

يهون عليك يايمــه ..*** بثوب العار تكسينــي

يهون عليك هالعالم *** لقيط الدار يسمينــي

يايمه سامحك ربـي *** يوم أنك شقيتينـــي

يايمه سامحك ربـي *** يوم أنك خذلتينـــي

يايمه سامحك ربـي *** على مر جرعتينــــي

يايمه أنتي مو أمي *** أنا أمي ما تخلينـــي

ياأنتي أيه ياأنتي *** أبي تنسي عناويــنـي

وأبي تنسين يــوم *** أسود يوم أنك ولدتيني

وكل يومي أنا بدعي *** لباس الصبر يكسينــي

وأنا مؤمن برب الكون *** خلقني مايخلينــــي

وأنا مؤمن برب الكون *** خلقني مايخلينــــي

*******************************
(( لقيتها في إحدى المنتديات ..... وعجبتني ونقلتها لكم ))

[بسمه]

جزاك الله خير اختي ينابيع
نقل موفق
رغم مرارة واقعه
وقسوته
اين العقلاء اين من في قلوبهم ذرة رحمه
ماذنب هذه الطفله ومثلها كثير يوادون وهم احياء
امن اجل شهوه حيوانيه تجردمرتكبيها من خوف الرب
في هذه الحاله لا تعدهذه ام هذه هم
نسال الله العافيه والسلامه

[نزوف]

السلام عليكم ورحمة الله وبركاته

الله المستعان .. قصيدة مؤثره جداً ,, لا حول ولا قوة إلا بالله ..

نسأل الله أن يحقظ نساء وأبناء المسلمين , وأن يكفيهم شر الوقوع في هذه الأمور العظيمه , وإنجاب ثمرة الرذيله ..

اللهم إحفظنا بحفظك ,, وإحفظ بنائتنا ونسائنا .. من العابثين المفسدبن ..

وإهدهم إلى الصراط المستقيم

بوركتِ أخيه , رغم إنكِ أثرتِ الجروح ..

[ورع]

كلمات رائعة ... ومؤثرة

قد تنسى الأم فعلتها .. وتتوارت عن وليدها

لكن هذا الوليد لا ينسى الحنين الى لمسه أم

ويظل يحن ويشتاق الى صدر دافئ

ولا يغنيه شيئ عن صدر امه وان

حرم عنوة منه

لكن ذلك القلب الصغير وان شعر بعدم الرغبة به في الدنيا

الا انه يعلم ان له ربا لن ينساه

وحده من يقيمه وينظر الى قلبه فقط

فسبحانك يا الله يامن رحمتك وسعت كل شيئ

بارك الله بك أختي .... ينابيع

وجزاك الله كل خير