صناع الحياة !!

[صناع الحياة]

بسم الله الرحمن الرحيم

السلام عليكم ورحمة الله وبركاته

{ وقل اعملوا فسيرى الله عملكم ورسوله والمؤمنون } . صدق الله العظيم

مقدمة :
بعد أن قُدنا العالم مئات السنين ، بعد أن أخضعنا رقاب الكفر تحت سيوفنا ، بعد أن كانت لنا الأرض وما عليها ، وبعدما خضعت لنا جُبُن الجبابرة ساجدين ، بعد أن كانت لنا اليد العليا في العالم بأسره ، بعد أن طالت قوتنا الآفاق ، وبعد أن بلغت حضارتنا كل الحدود .....

جاء الذل والهوان ، جاء الضعف والاستسلام ، جاء اليوم الذي يقتل فيه المسلمون بالمئات والآلاف بلا حساب ....

جاء في النهاية :
( صناع الحياة )
حتى نعيد الماضي .. ونعيد عزة وكرامة الماضي .. فإني أذوب لذلك الماضي حنيناً.
إنه فقط رنامج ، يرشد للصواب ونحن علينا التنفيذ ، نعم فقط التنفيذ ، فلو نفذنا مافيه سنكون ممن صنعوا خير الصنيع للأمة الإسلامية التي هي وطننا التي تحمل اسم ديننا .

أمانة على كل مسلم أن يقرأ هذه الرسائل وأن يرسلها لمن يعرف لينال الخير والثواب الكبيرين .

أمانة على كل مسم إذا كنت قادر على فعل الخير ليتصلح حال الأمة فإفع ولا تتردد فلك الثواب العظيم عند ربك .
قال تعالى : ( وما أسألكم عليه من أجر إن أجري إلا على رب العالمين ) صدق الله العظيم .
نحن لا نريد منك أي شيء .. فقط نفذوا لعل وعسى أن نكون سوياً في الجنة رفقاء وإخوان فرحين ببعضنا البعض .

ببساطة هدفنا هو تلخيص حلقات برنامج (صناع الحياة) للداعية الإسلامي الأستاذ عمرو خالد ..
ويتم عرض هذا البرنامج على قناة اقرأ الفضائية يوم الثلاثاء الساعة التاسعة بتوقيت مكة المكرمة .

وهذه فرصة لإخواننا الذين لا يتسع وقتهم لمشاهدة البرنامج لقراءة تلخيص الحلقات .. وثم يرسل هذا التلخيص لمن يعرفهم ... وجزاكم الله كل خير .

أمانة أرسلوها لكل مسلم .
مسلمون يبتغون الجنة


هذه الحلقة بعنوان :
محاربة المكيفات
سنتحدث اليوم عن محاربة المكيفات ، ولكن لن ت\نتكلم بشعارات ولن نقول الهتافات .
سنفكر في الموضوع على نو آخر ... خلينا نقول ونسأل نفسنا إيه هي أهم حاجة في حياتنا ؟
الموبايل ؟
لا في أهم ...
الشقة أو الفيلا ؟
لا لا أهم .....
العربية ؟
طبعاً أهم من كده ....
يبقى مفيش غير العروسة علشان نستقر ؟
يا عم في أهم ....
طيب نقول الشهادة الدراسية ؟
إمممم ... لا أهم ....
رضى الوالدين ؟
طيب فكر كده هتلاقي في أهم من ده .....
الأرض ؟ أيوة الأرض .. فلسطين والعراق وأراضينا كلها ؟
أيوة أنت قربت شوية .. بس مش دي أهم حاجة ..
معقول في أهم من الأرض ؟
أيوة في .. معرفتش صح ؟
لا عرفت .. مفيش غير الدين ؟
أيوة عليك نور .. الدين هو أهم حاجة .
بس يا عم الأرض مهمة ؟
منا عارف .. بس الدين هو اللي بيحافظ على الأرض .. لو حافظت على دينك هتحافظ على أرضك....

بص من الآخر أنت مسؤول .. أيوة مسؤول عن الإسلام أمام الله تعالى وأما الرسول عليه الصلاة والسلام ..
متخفش .. اتخضيت ليه ؟
كل اللي عليك انك تعمل المطوب منك مش أكتر ... أعمل اللي طلبه منك الإسلام ومتخفش ..

عاوز تعرف ايه الطلوب منك .. صح ؟
طيب خليك معانا للآخر كأنك لسة مولود جديد وحاسب نفسك من دلوقتي .. انسى كل اللي فات ..
أيوة انا سامعك بتقول ايه اللي عليك علشان تعمله ..
اسمع يا أخي في الله .. وانتي يا اختي اسمعي :
مفيش دولة استطاعت تحقيق التقدم والرخاء إلا بعد محاربة حاجة وحدة ، عارفين إيه هي ؟
الكيفات ، أيوة المكيفات زي المخدرات والسجائر والشيشة والخمور وغيرهم .

هو ده هدفنا النهاردة (المكافحة) ، بس خدوا بالكوا احنا مش جايين نعطي محاضرات ومواعظ ونفضل تقول ونحكي وبس .. لأ ..
احنا جايين نسمع ونشوف إيه الصح علشان ننفذ وبس .. لازم نعمل حاجة مفيدة .. بجد يا جماعة احنا مش عارفين هنقول إيه للرسول يوم القيامة ، ولا عارفين هنقول إيه ربنا سبحانه وتعالى ..
اسمعوا كده ربنا بيقول إيه : ( إني جاعل في الأرض خليفة ) صدق الله العظيم .
والرسول عليه الصلاة والسلام قال في حجة الوداع عندما نظر للصحابة وخطب فيهم وقال : ( لا تسودوا وجهي يوم القيامة ) قالها مرات كثيرة ، ومكنش بيكلم الصحابة بس .. لا .. كان بيكلم الأمة كلها ، كان بيخاطب الأجيال اللي فاتت وجيلنا ده وكمان الأجيال القادمة .

تخيل أنت دلوقتي أمام ربنا سبحانه وتعالى وهو بيسألك ويقلك أنت عملت إيه للإسلام في دنياك ؟
هتقول إيه ؟
طبعا هتقول ولا حاجة .. هتقول انك كنت عايش مش عارف ليه .. كنت غافل وسرحان وفاكر ان الدنيا كلها هزار ولعب ولهو .

ده طريق الشيطان اللي كنت انت ماشي فيه ومش داري ولا عارف ، هيا يا جماعة يا مسلمين ، يا أمة محمد في فرصة تعملوا حاجة لدينكم علشان يوم القيامة تعرفوا تتكلموا وتدافعوا عن نفسكم ، تقولوا يا رب احنا عملنا كذا وكذا وكذا ....

اسمع كده وشوف ربنا بيقول إيه :
( وكذلك جعلناكم أمة وسطاً لتكونوا شهداء على الناس ) صدق الله العظيم .

ربنا خلانا شهداء .. إزاي نكون شهداء واحنا بنهرب من المسؤولية ومش بنتحملها ، دا احنا كده بنقلب شعائر الدين تماماً ..

اسمع كمان مستشرق غربي بيقول ايه عن المسلمين :
( ياله من دين لو كان له رجال ) !!
رجال .. تخيلوا لو كان له رجال ..
احنا مش رجالة مش كده ؟
ده كلامه .. بس بجد احنا مش رجالة ؟
إيه رأيكم .. هل احنا رجال يعتمد عليهم في حمل الدين ؟

طيب استنوا هنا وبلاش تتعصبوا ولا تتنرفزوا وكل واحد يقعد يشتم على المستشرق ده .. إيه رأيكم لو افترضنا كلامه صحيح .. أنا بقول لو افترضنا .. إيه يا ترى المفروض نعمله علشان نصحح المشكلة دي ؟
بسيطة جداً .. نتابع صناع احياة .. فهي الحل .. تعالوا نشوف هدفنا في الحلقة دي ايه .

البرنامج بينقسم لـ 3 أقسام :
هدف مشروع مهمة
هو ده المطلوب مننا في الحلقة دي ..

هدفنا : تحمل المسؤولية .
مشروعنا : محاربة المكيفات
مهمتنا : واجب عملي لمكافحة المكيفات .


اليوم هنبدأ بالتدخين ..
ببساطة التدخين يؤدي لـ 25 مرض مابين مزمن وقاتل .
يا ترى انت يا مدخن عند كام مرض منهم ؟
طيب ايه رأيكم نشوف الأمراض أقسام الأمراض الناتجة عن التدخين :
أمراض سرطانية زي سرطان الفم والبلعو والحنجرة والمرئ والبنكرياس والحالب والمثانة ...
شوفوا كام حاجة ناتجة عن التدخين .. بس لسة في تاني ..
الصدمة الدماغية والشريان التاجي وتصلب الشرايين والتمدد الرئوي المزمن وتمدد الشريان الأورطي .

كل ده للمدخن ... بس المدخن السلبي برضو ميسلمش من الموضوع .. ليه نصيبه برضو .... بس بنسبة أقل شوية .

منظمة الصحة العالمية عملت استقصاء حول التدخين .. شوفوا معاية ايه النتائج :
1- عدد الذين يموتون نتيجة التدخين 4 مليون كل عام ..
ياترى أنت دورك السنة اللي جاية يا مدخن .. مع الأربعة مليون التاليين ؟
ولا يمكن تنتظر شوية للعام اللي بعده ؟

2- نسب الوفيات نتيجة الخمور أقل من نسبة وفيات المدخنين .. السجائر مرض يا جماعة .. لحد امتى هنفضل نسمم انفسنا .. فوقوااااا .........

3- المدخن السلبي معرض أكثر لحالات الويات المفاجأة في العالم ..

4- في العالم العربي والاسلامي كالتالي :

* عدد الذين يعانون من أمراض التدخين في مصر 25 %
بمعنى ان ربع مصر بتعاني من أمراض التدخين ....

* تنفق مصر أكثر من 3 مليار سنوياً لعلاج أمراض السجائر والتدخين ..
بذمتكم مش حرام اتنزاف أموال بلاد الاسلام والمسلمين بالشكل ده ...

* تنفق السعودية أكثر من 8 مليار سنوياً لعلاج مرضى التدخين .

* 50 % من شباب الوطن العربي تحت 18 عام يدخنون ...
يعني نص أولادنا بيدخنوا ....


طيب تعالوا نشوف دول أمريكا وأوروبا عملوا إيه لما لقوا ان النسبة مماثلة عندهم ... شوفوا همه عملوا ايه علشان يمنعوا أو يقللوا عدد المدخنين ..

1- منعوا عرض إعلانات السجائر في كل وسائل الإعلام .
قلم تقل نسبة المدخنين...

2- كتبوا على العلبة بمساحة 40% من حجمها (التدخين يؤدي إلى الوفاة )
ولم تقل النسبة أيضاً .....

3- وضعوا على علب السجائر مناظر مشوهة تخليك متقدرش تبص على العلبة .
وبرضو لم تقل النسبة ....

قالوا لنفسهم أكيد في حاجة بتخليهم يتمسكوا بالسيجارة بهذه الطريقة .
وبعد البحث وجدوا أن شركات السجائر في بادئ الأمر عندما صنعت السجائر ،كانت تقنع الناس والرجال خاصة أنهم سيكونون أكثر جاذبية للمرأة وهم يدخنون ، وأن الرجل سيبدوا وسيماً اكثر وهو يدخن ، ممكن نقول حاجة كده زي (جنتل مان) وهو ماسك السيجارة .

بدأت الحكومة تغير من اسلوبها واتخذت الآتي :

1- جعلت المدخنين في المطاعم لهم أماكن خاصة وركن منعزل عن الجميع .. وأسموه (ركن المدخنين) .. وده أسوأ مكان في المطعم ، وبيكون بجانب المطبخ والحمامات .

2- ممنوع التدخين في الطائرة أو المواصلات العامة أو الأماكن العامة

3- توقيع غرامة وحبس المدخن إذا خالف أحد هذه القوانين .

4- أصحاب الشركات جعلوا الموظفين المدخنين يدخنوا في الحمامات وممنوع التدخين في المكاتب .


وبالتالي بدأت النظرة تتغير .. وبدأ المدخن بدل ماكان فاكر أنه بالسجارة هيبقى (جنتل مان) وراجل متحضر .. بدأ يشعر بأنه منبوذ من المجتمع وملهوش مكان .. وبدأ الأطفال ينظروا للمدخن بأنه انسان لا يقتدى به وميقلدهوش أبداً مهما حصل .

احنا كده خلصنا لكن فاضل حاجة أخيرة
نقول باختصار ...

1- هدفنا الابتعاد عن التدخين والمدخنين ونحسسهم انهم شاذين عننا .

2- مشروعنا هو التالي :

- نرفض رفض تام أن يتم التدخين وتلويث الهواء الذي نستنشقه.
- كتابة جملة (من فضلك لا تؤذينا بدخانك) ، ونعلها في كل مكان .. في السيارة وداخل البيت وفي المحل التجاري وفي كل مكان ....
في المدرسة وفي الكلية وحتى الشوارع وفي المواصلات العامة ونوزعها على الناس ... ده إذا كان في مجال نعمل ده كله..
لو كل واحد اكتفى بنفسه هنلاقي الجملة دي في كل مكان ... وهيشعر امدخن انه مطارد ومحاصر ....

فاضل المهمة :

مهمتنا مقاطعة التدخين وتركها بكل بساطة ...

اعتقد يا جماعة انه مفيش حاجة أسهل من كده عملها ..

اللهم اني بلغت اللهم فاشهد...
وربنا معاكم وصلي الله موسلم على سيدنا محمد وعلى آله وصحبه ومن دعا بدعوته واهتدى بهديه وسار على نهجه وطريقته إلى يوم الدين .. آمين آمين يا رب العالمين

استودعكم الله في الحلقة القادمة ...

والسلام عليكم ورحمة الله وبركاته
جماعة يبتغون الجنة