سجل معنا مواقف من الطفولة

[بارقة أمل]

السلام عليكم ورحمة الله وبركاته
احبائي الصغار اسعد الله صباحكم بكل خير ...
من الجميل أن نستعيد معكم ذكريات الطفولة الجميلة مرحلة العمر التي لاتعود

بكل مافيها من شقاوة ولعب ومرح وايضا بعض التلطيش الي كان يجينا من هنا ومن هناك

وهذه الصفحة تكون مختصة بذكريات الطفولة كل من لديه موقف او مواقف فعليه سردها هنا
مع التحفظ على المواقف الغير لائقة او المزاح المنهي عنه بين الجنسين والتزام الادب في جميع
امورنا امر مطلوب وبما انه قسم البراعم فلا يمنع ان نستعيد اياما مضت
وما على اطفالنا الصغار
الا المشاركه بمواقفهم الحديثه التي نعاني منها كثيرا
سابدأ ببعض من المواقف التي مررت بها في طفولتي ولا زلت اذكرها جيدا
الموقف الاول
اخذتني امي حفظها الله وذهبنا لزيارة اختي الكبيرة والمكوث عندها حتى تنهي امي مراجعتها وكان لاختي بنتا في نفس عمري تماما وكنا حينها لم ندخل المدرسه بعد اعمارنا حوالي الخمس سنوات تقريبا كانت امي واختي يمنعنونا من شرب الشاي كنا ننظر لهم وقلبونا تتقطع مثلكم الان تمام لما احد يلحس قدامكم ايس كريم وفيكم لوز وامكم مانعتكم ^^
المهم وفي ليلة من اليالي قررنا القيام بعمل بطولي يحدد مصيرنا مع الشاي فقمنا بتفريغ زجاجات الدواء (فيفادول ) حقتنا لما نسخن ^^
قمنا بافراغها وغسلها جيدا وسكب الشاي فيها ( كان يمدينا شربنا ترمس كامل في عملية الغسل وتعبئة الزجاجات )
المهم اخذناها وخبأناها تحت مخداتنا عشان لما نجي ننام نتمتع بشربها على رواقه دون ما احد يحس فينا الظاهر والله اعلم انهم حسو فينا او شافونو يمكن
ليش ؟
لان ذيك الليلة بالذات قررو تغيير المسار حيث ستنام امي معي في غرفة بنت اختي وتذهب بنت اختي لتنام مع اخوانها الصغار كان موقف لانحسد عليه لكن لن نتجرأ ان نقول حتى لماذا او ما السبب او ليش والله اروح مثل ما تسوو الان فينا صرنا احنا الي نخاف منكم ويمكن نستخبى اذا شفناكم تسوو خطأ عشان ما تشوفونا ^^
المهم جت الوالده وسوت نفسها تضبط المخدات الا ذيك الزجاجات اربعه طبعا لكل وحدة اثنتين قالت وش هذا قلت ببراءة هذا شاي عشان .... وسكرت فمي على الباقي
طبعا تبسمت و نامت اذكر اني خجلت من نفسي حسيت وقتها اني سويت شئ سخيف ^^

الموقف الثاني
بعد ان قرروالاطباء عملية للوالدة وطبعا تنومتت في المستشفى كم يوم فاختي ارادت زيارتها وكان عندنا جارة الله يذكرها بالخير لاتحب شقاوة الاطفال ولكن اختي مضطرة ان تبقينا عندها حتى تعود فاخذتنا وقالت ارجوك انتبهي للبنات حتى ارجع فقالت ابشري احطهم في عيوني وماهي الادقائق
حتى اغلقت الباب واتت الينا واخذتنا لغرفتها واغلقت الباب ووضعت كل واحدة على فراش ورمت علينا شرشفين
وقالت بصوت عالى ناااااااااااااامو بسرعه انتي وهيه لا اسمع همسه
واستلقت على سريرها وقالت شوفو ذي حلاوة الي ما تتحرك اعطيها
واذكر الحلاوة الي تجيكم فيها اربع حبات ملونه اصفر واحمر واخضر وبرتقالي كنا الثنتين نحب اللون الاحمر بنت اختي همست في اذني بشويش حجزت اللون الاحمر فاهمه قلت لاوالله الاحمر حقي انا اكبر منك قالت كذابه والله انا الاكبر بشهر قلت لاوالله انا الاكبر بخمس شهور قالت متى هاه وتعطي ذاك الكف واقوم اسطرها كف مثله الا الخاله فوقنا وتسطرنا ذيك الكفوف جزاء لك انتي وهيه والله ما تذوقوها ونامو لا اذبحكم وارميكم في الشارع مدري ليش حبك تنام وقت العصريه الله يسامحها

هجدنا بعد التسطير وماهي الا حوالي ربع ساعة او نصف الا الخالة تغط في نوم عميق طبعا احنا متأثرين بمغمرات عدنان ولينا وقتها وبيتر الي مع هايدي فقررنا الهروب بعد ما نقوم بسرقة الحلاوة شئ مهم في حياتنا الحلوى قمنا بشويش بشويش واخذنا الحلاوة من جنب الخالة وفتحنا الباب بشويش وخرجنا لكن لم نكتف بحبة فقط فقررنا البحث في المطبخ عن بقية الحلاوة عشان يكون لكل وحدة حبة حمراء وحنا متلبسات بالجريمة يدينا على ادراج المطبخ واذا بالخالة تصرخ من الباب كذا يعني انتي وهيه عمى يعميكم ومسكتنا من شعرنا كانت بنت اختي مسويه قرنين وانا قرن واحد وتصفق روسنا في بعض وهات يا تصفيق ويا تلطيش الين قلنا بس وحطت كل وحدة على فراشها وبعدها ما صحينا ولا ندري متى اختي اخذتنا شكلنا كنا في غيبوبه يا حرام ^^
حشا مو طفولة ذي افلام اكشن

جدتكم داده حبابه^^

[بارقة أمل]

البعض اشار علينا بان يكون الموضوع في الاستراحة ولكن نظرا لانه لايوجد خصوصية او ما يكون فيه فتنه وبعد اخذ رأي الادارة فالموضوع سيبقى هنا مع مراعاة الادب في سرد قصص الطفولة وتجنب الضحك والمزح مع بعضنا من اخوة واخوات واجمل مافي الذاكرة هي ذكريات الطفولة البريئة ونحن هنا شبه اسرة متحابه في الله مكونه من اخوة واخوات تخاف الله وتخشى عقابه وفقكم الله جميعا

[بارقة أمل]

اعزائي الصغار

السلام عليكم ورحمة الله وبركاته
اكمل معكم بعضا من مواقف الطفولة
اعلم ان الكثير لم تعجبه الفكره لانه يراها من الخصوصيات ولكن لاارى خصوصية في طفولة بريئة ...

سأحكي لكم عن موقفا مضحكا حصل وانا في الصف الاول الابتدائي ...
كان لي جدا كبيرا في السن هو جارنا ولكن اناديه بجدي سألني عن دراستي فاخبرته بان المعلمة ستعطينا غدا سورة الكوثر
فسر كثيرا لانه يحفظها وبدأ يحفظني السورة وعندما وصلنا لقوله تعالى انا اعطيناك الكوثر فصل لربك وانحر قال
وش يقصد ب الكوثر ؟
هل تعرفون انتم الجواب ؟؟؟؟
بالتأكيد نعم جميعكم يعرف أنه نهر في الجنة أعطاه الله لنبيه صلى الله عليه وسلم كما فسره النبي صلى الله عليه وسلم بذلك كما روى مسلم في صحيحه عن أنس رضي الله عنه قال : " بينما نحن عند النبي صلى الله عليه وسلم إذ غفا إغفاءة , ثم رفع رأسه متبسما فقلنا : ما أضحكك يا رسول الله ؟ قال : نزلت علي سورة . فقرأ . بسم الله الرحمن الرحيم . ( إنا أعطيناك الكوثر إلى آخرها ) , ثم قال : أتدرون ما الكوثر ؟ قلنا :
الله ورسوله أعلم . قال : فإنه نهر وعدنيه ربي عليه خير كثير , وهو حوض ترد عليه أمتي يوم القيامة "
انا كنت لا اعرف فاجبت لاادري قال هذي الغنم ^^

يقول الله انا اعطيناك الغنمات فصل واذبح منها شوفوا بس فهم الشيبان

انا طبعا صدقت وحفظتها زين وحسيت اني باطلع الاول بتفوق

اليوم الثاني بدأت المعلمه تشرح لنا الايات ثم قالت من تعرف الكوثر؟ ولم تكمل السؤال الا وانا اصارخ انا انا انا طبعا محد رفع يده غيري
قالت
تفضلي يا شاطرة قلت يعني الغنمات يقول الله صل واذبح ^^
عاد وجه المعلمه اشكال والوان ما تدري تضحك ولا تستغرب قالت من قالك قلت بثقة جدي
ضحكت بصوت مرتفع وراحت تخبر صاحباتها .........

(مداخله )
ولدي قلت له مره
لما اصير عجوزة وين بتوديني قال عند الجيران ^^
قلت ولما تكبر يصير عندك اولاد صغار نواني وش بتسوي لهم قال بلعب فيهم
قلت وش تتمنى تصير لما تكبر قال اتمنى اصير امممممممممممممم وجلس يفكر ثم قال ايوووه بصير حرامي قوي
اثارني دائما اخوفه بالحرامي
فاعطيته صورة حسنه للحرامي انه قوي ومهنه مميزه ^ ^

.... انتظروا داده حبابه تكمل لكم ..
دمتم بخير

[نــــور الامـــل]

وعليكم السلام ورحمة الله وبركاته

مواقف روعــــه^^

كثير عجبتني مواقفك^^

شكرا لك على المواقف المضحكه خاصه الموقف الاخير ^^

وان شاء الله لو تذكرت بعض المواقف اكتبهااا لكم

بوركتِ

يُثبت الموضوع

[بارقة أمل]

الله يجبر بخاطرك نور زين جبرتي بخاطري ورديتي

بغيت احذف الموضوع حسيته موضوع غير مرحب فيه ^^

ربي يسعدك وانتظري الباقي

والخافي اعظم ^^

[نــــور الامـــل]

يسلمو بارقه

كويس أنك ماحذفتيه<<<لاني مجهزة مواقف ^^

الموقف الاول

كنت في التمهيدي

وفي يوم من الايام كان هناك رحلة الى فن تايم


أعطتني امي فلوس وقالت اشتري بريال مويه في فن تايم لوعطشتي

<<<خلت في عقلي كلمة فن تايم ^^ قلت في نفسي مي مشتريه مويه المقصف ماما قالت فن تايم ماقالت مقصف ^^
رحت للتمهيدي

والمقصف كان مفتوح

والابلا قالت الي تبغى تشتري مويه او اي شيء تشتري من المقصف قبل مايقفل

انا قلت في نفسي مح اشتري ماما قالت اشتري في فن تايم <<^^

وقفل المقصف

ورحنا فن تايم

ولعبناا واكل بيتزااا يم^^

وبعدين حسيت بالعطش

دورت مويه مافي

رجعت البيت

وانا ميته عطش ^^

^^ وبعدين شربت مويه وامي قالت ليه مااشتريتي مويه

قلت

انتي قلتيلي فن تايم ماقلتي مقصف<<شووفوا البراءة^^

[حنين الشوق]

بالعكس غاليتي باارقة الموضوع جدا رائع

وهذا موقف واتمتى ان يعجبكم والباقي فيما بعد باذن الله ::

اتذكر في يوم رحنا انا وبنت عمتي وخالي نور الامل عند جدتنا وجلسنا عندها طبعا جدتنا الله يخليها <<< قولوا امين ^ـــ^ ... سوت لنا عشاء (( اعتقد كنا اولى ابتدائي او شئ زي كذا )) وقالت كلوا طبعا انا جلست اكل ونور مارضيت تاكل لانو امها قالت لها لاتاكلي عند احد وجدتي تقوول كلي يابنت انا جدتك مو احد غريب والاخت نور مصرة لا ماما قالت لاتاكلي اتصلوا على ماما استئذن منها واتصلنا على امها وقالت ماما جدة سوت عشاء اكل امها قالت كلي هذي جدتك مو احد غريب وبعدين البنت ارتاحت وجلست تاكل <<<< بريئة نور ^ــــــــــ^

وبس

[حياتي لله]

ربي يسعدكم مواقف تهبل
بس هاد ياحنونة نور الامل نفسها مشرفتنا يعني انت تعرفيها من وانت صغيرة
ماشاء الله عليها نور الامل مطيعة وبريئة موو عشان هيك هي مشرفة البراعم
اتذكر موقف وبعدين انقله لكم
مشكوووووووووورة خيتووووو بارقة على الموضوع واايد حلووووو

[بارقة أمل]

هلا نور شرفتي مشرفتنا الغاليه ربي يسعدك

تعجبني البنت المطيعه لامها ^^

بوسي لي راسها جابت لنا مشرفه مميزة اسمها نور الامل

..

اخواتي العزيزات حنين الشوق وحياتي لله

اشكركم على تشريفكم موضوعي ربي يسعدكم ولا يحرمني منكم

وهنا موقف من ارشيف ذاكرتي

اذكر كان يزورنا ام باطفالها وكانوا ماشاء الله شي خيال في الرجه والازعاج وكانت تحب تزور امي باستمرار
واذا زارونا خلاص بيقلبوا البيت فوق تحت كنت حينها بالصف الاول متوسط المهم يوم جتنا فجأة بعد العصر دون سابق انذار
والوالده ربي يحفظها جهزت لها القهوة وجلست تقهويها وبسطه والام الله يذكرها بالخير تجلس تتقهوى ولا عليها من الاولاد يعثوا في بيت الناس الفساد ما تسأل
وانا الي يروح فيها يا ويلي اذا خربوا شيء او اتلفوا شيء او سوو ازعاج من يجون لين يروحو وانا في عذاب الاحق ذا واطارد ذا واسكت ذا
اروح اخبر الام ترا ولدك طلع الشارع اتوقها بتريحني منه تقول روحي جيبيه اقول بنتك كسرت تقول روحي لميه وينك لين خربت فكرت وفكرت:h
وش اسوي في ذولا هذيك العصرية المزعجة
مالقيت الا حل واحد
حبسهم في المجلس بعيد عشان امهم ما تسمع صراخهم
رحت اجمع فيهم ماشاء الله خمسه كلهم تحت العاشرة واقوم ادخلهم المجلس الا الوالد يقول وش فيه
تفاجأت بوجوده في المجلس منسدح على الكنب لوحده قلت بس ذولا ازعجوني ابحبسهم هنا
قال افا تحبسي الضيوف
اقول في نفسي امحق ضيوف ^^
قال تعالوا هنا وجمعهم حواليه قال روحي جيبي لي انا وهم عصير وكيك وجيبي لنا القهوة وباحكي لهم قصص
الوالد شكله كان طفشان ما احد جلس معاه
المهم رحت جبت له الي طلب
وجلس يحكي لهم قصص وسواليف ويلعبهم الاعاب قيام جلوس ومسابقه ركض في المجلس
انا جلست اتفرج مبسوطة ^^
ودي اقوم بس اسوي فيها كبيرة وعاقلة
قال قومي معاهم قلت ياسلام ليه شايفني بزرة مثلهم ضحك الله يحفظه واستمر يلاعبهم الى ان اخذتهم امهم وراحو
ومن بعدها اذا زارونا اجمعهم وعلى المجلس العب معاهم قيام جلوس وقصص ومطاردات وصرنا اصحاب ^^

انصحكم بعدم القسوة مع الاطفال والصبر عليهم
وانصح الامهات بالانتباه لاطفالهم وما يخلوهم يحوسوا بيوت الناس ^^

ودمتم بصحة وعافية

وانتظرونا وراح ننتظركم

[حنين الشوق]

وهذا موقف اخر من ارشيف ذاكرتي ع قولة بارقة ^^

في يوم من الايام نور الامل جات تزورني طبعا كنا صغار اعتقد مادخلنا المدرسة او سنة اولى مااتذكر بس المهم كنا صغار وعقولنا اصغر وجلست عندي وبعدين جاء ابوها ياخذها طبعا قبل لاتروح اخذت شنطة لي معها وانا اقوول هاتيها حقتي وهي تقول لاعجبتي طلعت الاخت حاطة عينها ع الشنطة قبل لاتروح وتبغى تاخذها وانا اقول لا انا اشتري لك احسن منها <<<<اوعدها علشان افتك منها وترجع شنطتي لي ... الشنطة كانت صغيرة ولونها ابيض وفيها رسمة ميكي وانا اقول لها انا اشتري لك احلى منها فيها تويتي والاخت نور مصرة لااا ابغى هذي وصدع راسي منها وانا وهي نبكي كل وحدة تبغى الشنطة وابوها يحاول يخليها تتركني في حالي وانا مليت منها اخر شئ سويته جبت قلم ازرق وشخمطت ع الشنطة عاد هي ماعجبتها الشنطة مشخمطة وقالت خلاص ماابغاها وراحت بعد ماحرقت قلبي ع شنطتي المفضلة ومازلت اخذها المدرسة رغم شكلها المشوه احط فيها فطوري ومن ذاك اليوم توبت اوري نور العابي واشيائي <<<< جاتها عقدة من نور

اتمنى يعجبكم

ولي عودة

[حياتي لله]

والله العظييييييييييييييييم مييييييتة ضحك من مواقفكم
بارقة لو مني منك اقول للمرة لحقي ابنك نط من الشباك
ساعتها تلاقيها نطت من مكانها ولحقته
نور اتاريها طماعة تسلبط على كل شي بس والله انت يا حنونة فكرتي منيح
ما دام ما تقنعيها خربتي الشنطة وانت اللي بقيتي على حسرة عليها
ربي يسعدكم على القصص بس انا بجد احاول اتذكر ما يطلع شي
بالظاهر علي انولدت كبيييييييييييرة

[نــــور الامـــل]

هلا نور شرفتي مشرفتنا الغاليه ربي يسعدك

اهلين فيك بارقه

تعجبني البنت المطيعه لامها ^^

يسلمووو ^^

بوسي لي راسها جابت لنا مشرفه مميزة اسمها نور الامل


^^ يسعدك ربي شكرا^^

اسعدني كلامك العسل ^^

[نــــور الامـــل]

والله العظييييييييييييييييم مييييييتة ضحك من مواقفكم
بارقة لو مني منك اقول للمرة لحقي ابنك نط من الشباك هههههههههه
ساعتها تلاقيها نطت من مكانها ولحقته هههههههههههه
نور اتاريها طماعة تسلبط على كل شي بس والله انت يا حنونة فكرتي منيح
ما دام ما تقنعيها خربتي الشنطة وانت اللي بقيتي على حسرة عليها ههههههههه
ربي يسعدكم على القصص بس انا بجد احاول اتذكر ما يطلع شي
بالظاهر علي انولدت كبيييييييييييرة ههههههههههه





ننتضر مواقفك اختي حياتي لله ^^

[حنين الشوق]

تسلمي حياتي وان شاء الله دووم هالضحكة

[بارقة أمل]

موقف يضحك ربي يسعدك حنين ويديم صداقتكم يارب

لكن صراحه طريقتك حلوه تخلصتي منها بذكاء وعلى قول المثل مهزوم ولا قول الله يرحمه ^^
شنطه فيها حبر احسن من تاخذها نور
ذكرتني يوم كنت في اول ابتدائي وجا زوج اختي يفتش واجباتي قال شااااطره ومسك القلم قال بوقع بدال الابله قلت لا والله اكتب في جبهتك لو تكتب شي والى الان تقول اختي دايم يقول كيف اختك الي كانت بتكتب في جبهتي زمان ^^

ومره زارتنا خالتي وكنت وقتها اما ثاني او ثالث ابتدائي وجابت معاها شنطه عجبتني مرررررررره
اطالع فيها وقلبي يتقطع ااتمنى تكون لي وجلست خالتي تعشت وسهرت مع امي واخواتي وانا بس افكر في الشنطه وروعتها
وجتني فكره بعد ما دخلت تصلي العشاء رحت واخذت الشنطه ورميتها فوق الثلاجه >> سرقه مافيها كلام
وقلت في نفسي اكيد بتنساها وبتروح وانا باخذها المهم طول الوقت وانا قلقانه لا احد يكشفني او يشوف الشنطه وينزلها وتروح مني
وبعد ما راحت بعد ليلة شاقه ومعاناه عشتها في تفكير وبعد ما تطمنت انها خلاص راحت وكنت اراقبها ليش ما سألت في شنطتها ولا حتى قال وينها !!
المهم راحت وانا تنفست الصعداء رحت اخذت كرسي ونزلت الشنطه وجبتها قلت امي خالتي نست شنطتها وكنت خايفه لاتقول هات اشيلها لها
بس قالت امي ببرود ايوه خالتك جابت الشنطه هديه لك ^^
عندها حسيت بالخجل من نفسي وشافتني ما فرحت بالعكس تكدرت من تصرفي قالت ما عجبتك ؟؟
قلت الا حلوه يعني
ما تدري اني قضيت ليلتي في معانها للحصول عليها

ودمتم سالمين

[بارقة أمل]

حياتي ننتظر مواقفك يا حياتي ^^

[حياتي لله]

وربي ميتة ضحك على موقفك يا بارقة امل
شوفي بالاخر تطلع الهدية الك انت سرقتيها
يعني لو صبرتي شوي ما ان صار شي هههه
ربي يسعدكم جميعا وربي ادخل اقرى مواقفكم واضحك
اضحك الله سنكم جميعا بس انا بجد مو متذكرة شي
استغرب كيف انتو لهلا متذكرين
شكلي بجد انولدت كبيرة

[حياتي لله]

مشكوووووورة خيتووووو حنونة وربي يسعدك انتظر مواقفكم
احبكم في الله جميعا

[تاج الوقار]

حياكم الله جميعا

صراحة الموضوع ذكرني بايام الطفولة والشقاوة
موقف ماانساه ابدا
كل طفلة لها بداية دخول في الدارسة واجوائها ..مرعبة ومخيفة

عالم جديد



طبعا عالم جديد على اختكم تاج الوقار
في بداية دخولي للمدرسة وانا اولى ابتدائي ....الوالدة صار لها كرسي جنبي بالصف

الفصل الدارسي الاول كله والوالدة مسكينة تحضر معي الصبح وتصحى بدري ... وماشاء الله والدتي ممتازة وصرت انا ووالدوة نتنافس في كتابة الواجب وتعودت على المدرسة والطالبات في الفصل الدارسي الثاني ...بس مااقول الا ياااااااارب احفظ لي والدتي ... تعبتها كثير ايام الابتدائية

اسعدك الله اختي بارقة

عدت بالذاكرة لايام الدارسة المرحة

لاتطيلي الغياب اختي بارقة

[حياتي لله]

قولي لي تجتوجة مين كان اشطر انتي ولا الوالدة حفظها الله
بس ما تكوني لاهلا بتاخدي الوالدة معك يعني تعودتي
نورتي الموضوع ننتظر قصصك التالية

[حنين الشوق]

وهذا موقف اخر من ذكرياتي ^^

امي في ذاك اليوم كانت مسوية حلا مدري وشو المهم حطت موية وسكر هذي الي تتسمى شيرة ع مااعتقد المهم نسيتها وطبعا السكر لمن ينحرق يصير اسود فصار شكل الموية والسكر زي البيبسي طبعا وقتها جات في بالي فكرة خطيرة ونذلة رحت لاختي الصغيرة وقلت لها تبغي بيبسي قالت ايوة رحت للموية والسكر وحطيتها في كاسة وعطيتها طبعا لمن شربتها ووووع انقلب وجهاا ... ^^

وبس اتمنى يعجبكم

[بارقة أمل]

هلا فيكم حبايبي

معليش تأخرت عليكم انشغلت شوي

مواقفكم روعة اشكركم جميعا

حياتي لله تقول لتاج الوقار تجتوجه جلست ادور من تجتوجه ورجعت للصفحه الاولى افتكرت فيه عضوه اسمها تجتوجه الله يسعدك حياتي الفيوز ضربت مدري عندك ولا عندي
المهم يقولون ان مواقف الطفوله ما احد ينساها معقول فيه احد ينسى طفولته
انا اذكر ايام الطفوله بكل ما فيها
واذكر كمان ذكريات اطفال الجيران (اعوذ بكلمات الله التامة من كل شيطان وهامه وكل عين لامه )
^^ الحذر واجب لاافقد الذاكره
اذكر كان عند جيرانا بنات على قدي تقول امي كنت احاول فيك تاكلي شيء وترفضي فاضطر اودي الاكل عند الجيران واهمس لامهم اقول ناديها واكليها مع بناتك تقول تناديني واروح ركض اسابقهم على الاكل وتو كان عندي وما عجبني يا شين الي يحب ياكل في بيت الناس
موقف اخر
كانت اختي الكبيرة تسبب لي عقده نفسيه
وكنت اكره اسمع صوتها خصوصا لما تتأمر على فامي مره قالت روحي قفلي الباب وبس مسكت الباب بيدي صارخت اختي قفلي الباب بسرعه تبي تعقدني قمت سبت الباب ورجعت مسكتني امي وش قلت لك هاه قلت هي تلقفت قالت ايوه قالت قفلي ما قالت خليه وتعالي واحلف ما اقفله ويجيني تلطيش من امي ^^
والموقف الي ما انساه كانت اختي تتعمد تخيفني فجلست تذاكر لي في غرفتها وكنت في اول ابتدائي وانام مع امي
بعد ما انتهينا مذاكره قالت يالله روحي بس انتبهي لايطلع عليك حرامي من الشباك وطلعتني من غرفتها وقفلت الباب
ودخلت غرفة امي وفي الضلام اشوف وجه جني من الشباك رجعت بسرعه ادق على اختي تفتح وطنشتني وادق وابكي واترجاها وطنشتني
فارجع غرفة امي وامي نايمه واجلس عند الباب وجلست ابكي بشويش عشان ما اصحيها لين نمت عند الباب وصحيت امي تصلي في الليل حصلتني احزن شالتني وحطتني على الفراش وانا اصارخ جني جني في الشباك وتطالع امي حصلت جريده قصتها اختي على شكل وجه جني ولزقتها في الشباك
شفتوا نذاله مثل نذالتها
عن اذنكم بروح اصفقها >>>> قلبت المواجع

[RawanD]

مبتسمة بقوة على مواقفك يا بارقة وحنون ونور ..
والله قلبتو علينا مواجع ..
ترى والله ما في احلى من مواقف الطفولة وذكرياتها ..

يلا خلينا أحكي مواقفي عندكم ..


أذكر وانا بالصف الثاني الابتدائي هالموقف ..
كانت المدرسة بدها تروح للمديرة لانها طلبتها .. المهم قالت المعلمة تعي يا عطر سجليلي اسماء اللي يشاغبوا بغيابي .. وانا شووو افرحت .. وقف عند طاولة المعلمة ومعي عصايتها وقلت يا ويلوا اللي يشاغب _ كان صفي مختلط أولاد وبنات_ المهم في واحد من الأولاد عفريت ما يسمع الكلام يجاكرني صار يوقف على الكراسي ويشاغب ويعمل فوضى .. انا الصراحة قلت فرصتي أنتقم منو لانو كان دايما ياخد مني سندويشاتي اللي تعملي اياهم ماما .. قلت اجلس ما رضي يا ولد اجلس أبدا ولا كأني أتكلم رحت بالعصايا وين راسك وعليها .. إلا الولد ينفتح راسو وصار لازمو مستشفى .. انا شفت الدم ينزل صرت أبكي .. الأولاد راحوا ينادوا المدرسة ليلحقوا الولد قبل لا يموت ..
جات المدرسة تجري .. شو اللي صاير ما تلاقي إلا الولد مليان دم وبدو نقل سريع للمشفى .. المهم نقلوا الولد وأنا شردت من المدرسة خفت يسووا فيي شي ولا يضربوني ..
تسألني ماما ليش راجعة بدري من المدرسة قلتها المدرسة اليوم غابت ومديرتنا روحت صفنا كلو .. وهي ما تدري إني عاملة مصيبتين أولهم الولد اللي عورتوا وتانيها إني هربت من المدرسة ..
شوي وإلا تلفون البيت يرن .. ماما ردت الو مين وصار وجها يعطي ألوان ماما ومعصبة .. عرفت إنو تلفون من المدرسة ..
جات ماما ومعها عصايا تقولي شو عملتي بالمدرسة .. قلت ولا شي .. قالتلي أخر مرة أسأل شو عملتي فأنا خوفا من الضرب اعترفت .. عصبت علي طبعا ووبختني ..
تاني يوم بابا راح المدرسة أعتذر من المديرة وأخد عنوان الولد اللي ضربتوا وزارهم واعتذر من أهلو ومضت القصة بسلام ..
وأحلى شي بالموضوع إنو بعد هالقصة هالولد بطل يعترضي وياخد سندويشاتي ...


لي عودة لمواقف أخرى ..

[وردة نوري]

ماشاء الله على هالفكرة
موضوع رائع جدا جدا ويذكرنا بطفولتنا وبراءتنا والله
ضحكت كثيرا لدرجة الدموع على مواقف الاخوات واليوم تذكرت موقف من المواقف راح اخبركم اياه

عندما كنت في الصف التاني او الثالت ابتدائي لاا اتذكر بالضبط جاءت اختي الكبيرة تسأل عني وعن مستواي الدراسي واعترف كنت مشاااااااااااااااغبة جدا جدا جدا جدا جدا حتى ان وصلت الاخصائية الاجتماعية كانت معها اختي لان اختي كانت مديرة المدرسة المجاورة( المدرسة الاعدادية) يعني زملاء وعادي ان تذهب مع الاخصائية للفصل وحتى طق باب الفصل وفتحت معلمتي وانا لا ادري ماذا يحدث خرجت معلمتي وانا لا اعرف شي تم دخلت ودخلت معها ضيفة من هي ؟؟ هي اختي انصدمت كثيرا وتمنيت ان تنشق الارض وتبلعني لان اختي شديدة ومعلمتي ماذا اسمعها تقول يا استاذة (اختي) ابحثي عن اختك(انا) بين الطلبة ولن تجديها فهي موجودة وراء الباب معاقبة لانها قامت بمشاغبة وعاقبتها بالوقوف وراء الباب فماذا يكون موقف اختي المديرة؟؟؟؟؟؟ وعندما عدت للبيت ودخلت البيت على طوووووووووووول جري وراء ابي فانا بنت البابا وصرت اكذب واكذب ان معلمتي تقصد اهانتك وانا لم افعل شي ووووووو حتى لا اعاقب ولم اعاقب:biggrin2::biggrin2:

هذا ما تذكرت الان والباقي في الطريق

[ام عبد الرحمن]

كل قصة احلى من الاخرى
ما شااااااااااااااء الله عليكم
الداكرة عنكم قوة
اما انا احاول اتدكر شي من الطفولة واوافيكم بيه

ان شاء الله


حشا مو طفولة ذي افلام اكشن

الله يحفظكم لبعض اللهم امين

[بارقة أمل]

هلا اخواتي اعتذر لانقطاعي كان غصب عني ابعد عنكم

وارحب فيكم مجددا في صفحت الذكريات الجميلة وقول كل عام وانتم بخير

وبما انا الان في شهر الخير رمضان الكريم اذكر لكم موقفا طفوليا حصل في رمضان

كنت ارى استعداد العائلة لرمضان وفرحهم بقدومه فاشتقت معهم لحضوره وكان اول يوم من رمضان وفي الصباح احضرت الوالده حفظها الله فطورا لي انا فقط تعجبت ليش وانتم قالت حنا صائمين قلت يعني ايش قالت هذا رمضان وما ناكل ولا نشرب الى اذان المغرب وكان عندي عقده من شئ اسمه اكل وكانت تجبرني على الاكل لكن دام الشغله فيها صيام لازم اقلدهم واتخلص من الاكل قلت انا بصوم مثلكم والله ما اكل ولا اشرب قالت براحتك اول مره امي تخليني على راحتي ...
وراحت تنام وانا جلست العب طول اليوم الى بعد العصر صرت اشوف الواحد عشره من الجوع وبعد العصر امي واخواتي في المطبخ ورائحة الاكل تفتح الشهيه
المشكله تورط بالصوم ولا فيه فرصه اخلو فيها المطبخ وجلست على كرسي عند الباب كانت نظراتهم لي وابتساماتهم وغمزاتهم لبعض تثير غضبي واستحيت اقول جوعانه وانا الي حلف اصوم

وشكلهم اتفقو للخروج من المطبخ بعد ما شافوني منتهيه صلاحيتي شوي والمطبخ فاضي مافيه الا انا والاكل والعصير الفيمتو في الثلاجه واقوم ما اكلت ولا شئ بس شربت فيمتو الى ان قلت امين عاد احمر ومدري ان اثاره باقيه ..
واخرج ويشوفون فمي احمر ويضحكون ويقولو هاه أمل صايمه وانا اي والله والله ما اكلت شئ قالو باين
ويجي المغرب وكلهم يمدحوا فيني صايمه ماشاء الله عليها ويوجهو لي الاسئله كيف الصيام حلو قلت ايوه قالوا بتصومي بكره قلت لاوالله توبه ^^

[شـــذى]

{...مدخل
سطرا سطرا أنثرك أمامي بكفاءه لم أوتها إلا في المطالع
أقف الآن بإسمك كي أشكر مشيعيك ياطفولتي إلى هذا السفر الأخير
وأدعوهم إلى إختصار الوداع
والإنصراف إلى حفل عشاء إحتفالي يليق بذكراكِ!!





جرني فضول القطط دون حذرها ,إلى ملامسه الخطر فغافلت أهلي المشغولين بجمع الزيتون
وقطع الفروع التي لاتلزم بسكينه حاده
وتناولت إحداها ووضعت على شفرتها ركبتي اليسرى وضغطت
لأتعرف إن كانت السكين تفعل بلحمي الطري
ما تفعله بجذوع الزيتون
ففاجأني السائل الأحمر ؟!!
,ولم أتوجع إلا حين نزعوا السكين من ركبتي وضمدوا جراحاتي وعاقبوني على طيش التجربه


هكذا رأيت الدم الأول...
دمي الذي علمني أن الندبه ذاكره لاتكف عن العمل,وكلما نظرت إليها شممت رائحه الزيتون
وعباءه جدتي المعلقه كخيمه في الريح .
وكلما لامست الندبه إستمعت إلى بكاء الدم وكرهت الحناء!



لا زال لطفولتي ذكريا ت وذكريات لكن دعوني الآن أخرج بعوده بإذنه






مخرج....}
فلتأذني لي بأن أراكِ في أحلامي وقد خرجت مني وخرجت منكِ
سالمه كالنثر المصفى على حجر يخضر أويصفر في غيابك عن ذاكرتي
ولتأذني لي بأن ألمك
كما يلم السابله
مانسي قاطفو الزيتون من حبات خبأها الحصى
ولنذهبن معا أنا وأنتِ في مسارين
أنتِ إلى حياه ثانيه وأنا إلى الطريق الثالثه!!




نسيت شكرك ياصاحبه الدر والإبداع
بارقه دمت لنا أملا وسعدا!
لاعدمتكم

[بارقة أمل]

مثلما كنت ستبقى يا وطن
حاضراً في ورق الدّفلى ،
وعطر الياسمين
حاضراً في التين ، والزيتون ،
في طور سنين
حاضراً في البرق ، والرعد ،
وأقواس قزح
في ارتعاشات الفرح
حاضراً في الشفق الدامي ،
وفي ضوء القمر
في تصاوير الأماسي ،
وفي النسمة .. في عصف الرّياح
في الندى والساقية
.............................
..................

وطن وجودك هنا له رونقه الخاص وعبيره


الزكي فاشكر لك هذا الحضور وهذه الاطلاله الرائعه كروعتك وهذه الكلمات الغنيه باجمل الحروف

وفقك الباري وننتظرعودتك بمواقف ترسم الابتسامه على شفاهنا

دمت بخير

[شـــذى]

مثلما كنت ستبقى يا وطن
حاضراً في ورق الدّفلى ،
وعطر الياسمين
حاضراً في التين ، والزيتون ،
في طور سنين
حاضراً في البرق ، والرعد ،
وأقواس قزح
في ارتعاشات الفرح
حاضراً في الشفق الدامي ،
وفي ضوء القمر
في تصاوير الأماسي ،
وفي النسمة .. في عصف الرّياح
في الندى والساقية
.............................
..................

وطن وجودك هنا له رونقه الخاص وعبيره


الزكي فاشكر لك هذا الحضور وهذه الاطلاله الرائعه كروعتك وهذه الكلمات الغنيه باجمل الحروف

وفقك الباري وننتظرعودتك بمواقف ترسم الابتسامه على شفاهنا

دمت بخير

بارقه السعد..
هنا نبضُي ْ || فسأكون معكم أوردة حياه
حقا شكرا لكِ بحجم إبداعك المشهود دوما وليس يوما ||

[شـــذى]

{...مدخل
يوقظونكِ يا طفوله من زمن خاص ويقولون لكِ
إكبري الآن معنا!! في زمن القافله






سموني الشقيه من أفعالي حقيقه لم تعجبني تلك الكلمه كنت أظنها شتيمه لكن مع الوقت تقبلتها..
في يوم جميل وصباح رقيق نادتني أمي أن تعالي لتساعديني
فقلت في قراراه نفسي لم توقظني أمي من الصباح الباكر لأساعدها؟!!
ألا تعلم بأني طفله أحتاج للنوم ؟!!
ولم أدهب إليها...
لكنها لاحظت تقلبي على الفراش فقالت لي:: سأصطحب أختك وسيكون لها مفاجأه لم أهتم كثيرا قلت ستأتي بواحده لي وواحده لها دون تعب ؟!!
بعد أن إنتهت أختي من مساعده أمي في أعمال البيت (الطابق السفلي) كان لديها بسكويت كنت أحبه جدا فقامت بإعطاء أختي الكثير منه وأنا فوق بالأعلى فنادتني أختي لتجعلني أشعر بالغضب وأني مذنبه لإني لم أساعد أمي فرددت ونظرت من أعلى الدرج فلوحت بيديها وقالت يااه إنه لذيذ ..بسكويت لذيذ
لا أعرف ماذا حدث لعقلي فرميت بنفسي من أعلى الطابث الثالث إلى الطابق الأول كإختصار للمسافه لأخذ البسكويت!!!!
وحمدا لله جاءت سليمه بعض الكدمات فقط لا غير


كل يوم سأذكر واحده ... إعذروني بسبب ذاكرتي الضعيفه جدا




مخرج...}
الآن وأنا مسجيه فوق الكلمات
وحيده ملفوفه بالزنبق والأخضر والأزرق
...أدرك مالم أدرك
إن المستقبل منذئذٍ
هو الماضي القادم!!

[بارقة أمل]

هذا الكسل يا وطن في البدايه كسلانه ونعسانه
وفي الاخر قفزه من الدرج ..

موقف روعه ^^

انتظر البقيه بصبر ايوب

وفقك الله

[شـــذى]

(...2...)


سألتني المعلمه :مامعنى هذه الجمله:
(إنتظر السياره حتى تعبر)
فأجبتها ودون تفكير وأنا شارده الذهن
أي إذا رأيت سياره على الشارع فلا أمشي على الشارع حتى تزمر السياره!!!
فغضبت المدرسه قائله ماعلاقه تعبر بتزمر!!
فقلت ببساطه وسذاجه
لإن السياره زماره!!!
فصرخت المدرسه في وجهي موبخه إياني قائله:تعبر معناها تمر!!
وطلبت مني نسخها 100 مره!!!!!
كم كان هذا العقاب قاسٍ علي؟!!
وأعترف وبعد مرور كل هذه السنوات من هذه الوعكه اللغويه ...مازلت أسمع صوت الزمور كلما قرأت أو سمعت كلمه تعبر !!
فأضحك في سري من قدره الأخطاء الأولى على الحفر في الصخر!!

[نــــور الامـــل]

يا حرام يا وطن كيف حال يدك ؟^^

ان شاء الله اكتب لكم مواقف اخرى ....][

[شـــذى]

يا حرام يا وطن كيف حال يدك ؟^^

ان شاء الله اكتب لكم مواقف اخرى ....][

تشتكي إلى الله الحال!!
ننتظر...

[بارقة أمل]

اشكرك يا وطن على مشاركاتك بمواقفك الرائعه ربي يسعدك

وياهي مواقف تمر بنا كثيره لاحصر لها ...

سنكمل معكم ما تجود به الذاكره قريبا ...

[لؤلؤة الملتقى]

أشكرك أختي بارقة أمل على هذا المضووووووع الشيق الممتع الذي أعادنا لأيام الطفوله التي نتمنى لوترجع منها ساعه
وموقفي كنا أبطاله أنا وأختي وأخي الأكبر الذي كان يموت على شي أسمه صواااااااريخ وطراطيع طبعآ كنافي رمضان وكناأنا وأختي نلعب في السطوح في الظهر وجاء أخوي وقالنا أبغى أولع صوايخ وكنامررررره نخاف منها فقلناله بنتخبى في المجلس وكان بجنب السطوح فقال لا لاالصواريخ تجيكم أتخبوا في الحمام أحسن وكان حمامنا (الله يكرمكم )بابه خشب قديم ومكسروفيه فتحات كثيره فدخلنا وصكينا الباب بنتفرج الى أخوي يقولنا لاتطالعوا ترى تجيكم شراره من الصاروخ أدخلوا جوا وسدوا أذانيكم وسوينا زي ماقال صدقناه ؟؟؟؟والله لايوريكم ماحسينا ألى بحرارة الصوريخ بين رجولنا وتصقع في الجدران وترجع علينا أثاريه دخل علينا 3صوايخ مع فتحات الحمام وهوا سوا في الصاروخ حركه حتي يقعد يلفلف ثنى العصايه حقته ثنيات كثيره المهم حنا قاعدين نصرخ ونبكي ونجري وننطنط في الحمام زي القرود محناعارفين آش نسوي المهم جرينا على الباب وفكيناه اللى صقع في وجهه أثاريه يتفرج مع الفتحات :koمن جد شفنانجوم الظهر اللي نسمع بها دايمآ .....
والله لايوريكم يومين وأمي تدهن رجولنا بالفازلين من الحروق اللي فيها ....
الله يسامحك باأخوي ويشفيك والغريب ان ولده طلع مثله يمووووووت بالصواريخ فسبحان الله :P

[بارقة أمل]

لؤلؤة الملتقى اولا ارحب فيك في المنتدى عامه وفي قسم الشقائق خاصه وهنافي صفحتي ارحب فيك من الاعماق فاهلا وسهلا بك وكل عام وانت بالف خير وتقبل الله منا ومنك صالح الاعمال

ثانيا يالغاليه موقفك اضحكني وانا كنت متضايقه ربي يدخل السرور لقلبك ويسعدك اتخيلك في الحمام انتي واخوانك مثل المجانين بسم الله عليكم وتدرين ليش عجبني الموقف لاني الى الان اخاف من الطراطيع ومره ولد اخوي الله يهديه سوا فيني موقف
قريب ولع طرطيعه وخباها عند رجلي وانا ما شفتها مشغوله اتفرج على الخسوف واوووووووووف حسيت ان راسي صفق في القمر ورجع جلست اركض في الحوش واصيييييح والله ياهوه موقف ما انسى خوفه ..............

ننتظر باقي المواقف الطريفه فلا تحرمينا يالغاليه ...^^

[شـــذى]

موطن ذكرى /




أيقظتني أمي في ليلة باردة ....
هيا هيا لم أر َ سوى جموع الليل تغزو عيناي
وأما م منزلنا سيارة لم أفهم التفاصيل المعقدة في تلك الليلة
لم أسال كان النعاس ينازع فضولى الشقى دخلت السيارة نمت
كانت الطريق طويلة أيقظتنى أمى لآكل زعتراً
لأنني كنت أتسلق ُ الطرق الطوال قبل أن تلتهمني فنحس المسافات يلازمنى
آخر مرة حين كان الوادع توقفت السيارة على مفترق طريق شجر كان شجر خروب
نزل أبي وأمى هزتنى أختى الأشقى منى *لننزل
كان النعاس يغالبنى أرادت شد شعري فنزلت تحت التهديد
أخذنا نلم الخروب لا أعلم لماذا ؟!!
رغم أننى لا آكله لربما الفطرة هي التى دفعتنى لآخد ذكري من تلك الآرض المقدسة _القدس _
مررنا على الأعداء لم أكن أعلم تفاصيل هذه الرحلة فلقد اعتاد أبى أن يأخدنا من مدينة لأخرى
لكن الإحساس بالغربة بدأ يلازمنى
أنزل الجندي والدي
أخذت أختى الكبري تبكى _ تقصِدٌني حتما ً _ ظنا ًبأن اليهود سيأخدوا أبى
لقد كان أبى معتاداً أن يلاعبنا وحين نشاغب يهددنا بذهابه إلى اليهود ..فيختبئ في مكان لايرانا ولا نراه !!
نستمر في لعبنا الأشقى من الشقى نبحث عنه فإذا هو غير موجود ننادي :ماما ماما وين البابا ؟؟؟!
وعندما نقترب من البكاء ونصدق الحيلة يظهر أبى كانت تمر علينا هذه الحيلة كل مرة وتكشفها أمي .
أجهشت أختى الكبري بالبكاء خوفاً لم أدري حينها أنا وأختي ماذا نفعل لكن مر الموقف بسلام
وجاء أبى إلى السيارة و انطلقنا من جديد ..
و
لكن إلى أين .. إلى المنفى .!!
وكبرنا .. وكبرنا
واليوم َ اليوم في هذه الساعة ونحن ُ في غزة وعقاربها القاسية أكمل أعوامى التسعه عشر
وتركت ورائي أرضا يغتالها الربيع عشقا من بين الفصول وحقل وبستان ورد وجبل قديم ....
أعود اليوم إلى مواطن تلك الذكريات أنا وقداسي هنا
أكبر ويكبر معى شوق اللقاء



في رحلتنا الأخيرة من القدسِ حتى القطاع ○°

[رحمه]

آآآخ ياوطن قصتكِ جداً أحزنتني
اللهم انصر الإسلام والمسلمين
لي عودة إن شاء الله بمواقف الطفولة

[شـــذى]

آآآخ ياوطن قصتكِ جداً أحزنتني
اللهم انصر الإسلام والمسلمين
لي عودة إن شاء الله بمواقف الطفولة


اللهم آمين
هذا الحال نسأل الله أن يبدله إلى الأفضل !
ننتظرك بشغف..

[رحمه]

ممممم موقف ممممم

قبل أدخل المدرسة
اوصتني والدتي على قلادة ذهب قد ألبستني إيها
خوفاً أن تنسرق لحضورنا حفل زفاف
وفي الزفاف ،،
قابلتني احدى المعارف تمزح وتضحك معي من اشترى لكِ هذه القلادة
قلت لها : الآن عرفت أنت [الحرامية ] خخ
مسكينة اعتقد أصبح وجهها ألوان وسط النساء

[الجوهره المكنونه22222]

أجمل موقف كنت أسويه في طفولتي أني أتضاهر با المرض من الليل قبل النوم بساعه عشان أبوي الله يرحمه يخليني اليوم الثاني أغيب عن المدرسه وأذا راح الباص وحسيت وقت الفطور قمت أفطرت وما شاء الله كل لقمه خير من الأولى وسلامتكم