قصيدة في بحر جدة

[ضياء الليل]

هربت ولا نجيت الا علـى شاطيـك ياجـده
واقول بخاطري بأسلى عن همومي واحزانـي
ولقيت الحزن في جده سكن فيهـا ومـن مـده
تربع في ضواحيها ثم اطفى نـور الأوطانـي
تخيـل يابحـر جـده مشاعـر حـب منهـده
تبعثر ما بقى من حس شاعر فـوق الأوزانـي
اجيك الشاعر المكسور وحزنـه بيّـح بسـده
كشف لك خافيات وطلع اللـي طـي كتمانـي
انا أنسان اختلافي طبع وطبعي ضد في ضـده
ضعيف وما ملكت الا جمودي واعظم ايمانـي
حياتي للخطـا صـارت مياديـن وبلـد رده
اسير بلا خطى تثبت تميـل لـدرب شيطانـي
انا الشاكي وانا الباكي وانا الحاكي مـن البـده
انا اللي من خطاه ابكا المحاجر دمعها القانـي
وش أعظم من خطا نفسي على نفسي خطا شده
ووش أعظم من شقا حالي سبب حالي وبأمعاني
بأتوب من الهوى توبـة تقـيٍ ماسـكٍ رشـده
وبأخطم خطوتي عـن درب للسيّـات ودانـي
وبأرمي بك تفاهـات الهـواوي يابحـر جـده
خلاص اعلنتها توبه ويشهـد قاصـي ودانـي