نصائحكم لا عدمناكم [الأرشيف] - ملتقى الأحبة في الله

pass

05 Aug 2008, 01:14 AM

السلام عليكم ورحمه الله وبركاته

انا الان ما ادرى ايش اللي صار

كنت مشترك ديسل شامل السرعه 256 من شهر تقريبا

والحمد لله التصفح والتحميل مشي الحال

وانا في امان الله اتمشى في ربوع بلادي الا وذاك الاتصال والرقم غريب

ارد والا ما ارد

قلى اخوى رد انت ايش خسران قلت يله ارد

وارد على الخط

الا وذاك الصوت اللي يقول : فلان الفلانى

قلت: نعم

قال : انت مشترك معانا في ديسل شامل السرعه 256

قلت : نعم

قال : كيف السرعه معاك مرتاح معاها

قلت : والله الحمد لله مشي الحال

قال : ايش رايك نرفع السرعه 512 لمده ستين يوم وبنفس سعر 256

انا والله ياجماعه الخير ما ادرى ايش اقول

بصراحه شكيت في الموضوع قلت يمكن نصبه جديده واطيح فيها

المهم قلتله : ما عندى مانع

قال : نرفع لك السرعه الان 512 ويصلك الرقم السري خلال ساعات الي جوالك

قلت : ما شاء الله بالسرعه دي والله مو معقوله ولمده شهرين

قال : واذ انتهت الفتره اذا ناسبتك السرعه نثبتها لك والا نخليك على السرعه القديمه

قلت مو مشكله بعد شهرين نشوف

وفعلا لم يمضي الا ساعتين الا والرساله وصلت السرعه 512

انا الان صرت متحمس وودى اقطع الاجازه واتمتع بالسرعه الجديده

وفعلا قصرت الاجازه واستخدم السرعه

لكن للاسف

التصفح والتحميل لم يتغير ولو لشبر واحد

ما ادرى ايش السبب هل هو من الاتصالات والا الاعدادات

ياليت تفيدونى للحل

او هل السرعتين متساويه

RyaN

05 Aug 2008, 02:17 AM

وعليكم السلام ورحمة الله وبركاته

والله يالغالي سمعت من كثيرين انه سرعه 512 ما تفرق بأي شي عن سرعه 256
وانت المفروض تتأكد وتسأله عن سرعه الأبلود وسرعه الداونلود
إذا كانت عالية فأهلا بها اما غيرها فلا تغير اشتراكك لهذه السرعه
والله يوفقك .. تحياتي .