شوفوا وش صارلها بعد شهر العسل.....(الجزء الاول)

[فله المميزة]

السلام عليكم ورحمة الله وبركاته





كانت بنت ماتزوجت كل هممها.....








http://www.m5zn.com/uploads/2010/4/20/photo/042010170452p1q9lyownk.jpg











دراستها وكتبها.....



اوقات فراغها.... وفالعطل تقضيها.....
بالاهتمام بنفسها وتمارس هواياتها.....






واذا تجمعت مع صديقاتها او قريباتها بدت.....






http://www.m5zn.com/uploads/2010/4/20/photo/042010170457ya0uv65crhh.jpg












الهستره والضحك.....



كانت تضحك من كل قلبها وبالها خالي.....










تنام لين تشبع وتقول تاكل حتي الصحون عقبها
ما تدري من شالها والا غسلها....



اذا بغت تبدل لقت الملابس مغسوله ومكويه



كثرالله خيرها اذا بس جابت درجات زينه
مسكينه تتعب بالمذاكره....



اما لو عاد مره اشتهت تطبخ وتوريهم ابداعاتها
اوووووه طلعت البنت المثاليه اللي لاقبلها
ولا بعدها....
وقطعوها بالمدايح عشان بس يشجعونها






وتمر الايام....
...................
وتزف لها الام احلي خبر...
(ال فلان خطوبك)......



وتوافق ....ويتم كل شي ....




ويبدأ الحلم....






http://www.m5zn.com/uploads/2010/4/20/photo/042010170457nam4fe4sc1yz6p.jpg








بفلوس مهرها....
تدلل نفسها وتشتري اللي تبي....








http://forum.hawaaworld.com/images/statusicon/wol_error.gifهذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 630x596 و بحجم 65KB.http://www.m5zn.com/uploads/2010/4/20/photo/042010170457qqttiuqcs.jpg








http://www.m5zn.com/uploads/2010/4/20/photo/042010170457r8flci2fblyv4.jpg








http://forum.hawaaworld.com/images/statusicon/wol_error.gifهذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 501x353 و بحجم 47KB.http://www.m5zn.com/uploads/2010/4/20/photo/042010170457sxdo813o.jpg








http://www.m5zn.com/uploads/2010/4/20/photo/0420101704572moe6rnq5.jpg








وصالونات وحف وقص وصبغ
وتنظيف بشره وبدكير ولخ الخ الخ....
.عروس عروس عروس....
هالكلمه اللي تحسسها انها ملكه تسمعها
وين ما تروح.....





ترجع البيت اذا كانت زمان تطلب
ويلبولها طلباتها..... لااااا الحين تهاوش
وتامر والكل يقول لبيييييه حاضر سمي .....
غصب خايفين علي زعل الام
والام قلبها يتقطع لان قطعه منها بتفارقها....
كل ما زادت عصبيه وزعل...كل مازادت الام
مسكينه صبر واحتمال....
مهي قادره تتخيل مكانها فاضي....
او يغيب زولها عن عينها.....



تحسب مسكينه ان بنتها عصبيه من هم وتوتر العرس
مادرت ان اللي تسويه البنت....
(غرور وفرحة انها بتعرس)



وياويلهم ياويلهم لو يزلون بكلمه لو من غير قصد...




قلبت الكون اف متي بس افارقكم واروح لبيتي...
وينعصر قلب الام المسكينه...
وما تخلي ولا تبقي عشان ترضي الملكه العروس...



ترجع كليتها بوجة غير اللي تركتهم فيه....
صارت (ملكه)...اقصد عروس.....







وما يصير عندها غير هالموضوع....
وسوالف العرس....ليه يافلانه للحين منخطبتي
وكل ما زاد عدد البنات اللي للحين مو مخطوبات
كل ما زادت غرور وكبرياء وعاشت الدور صح
وكل ما جات وحده تباركلها بالخطوبه
كل ما انتفخ راسها اكثر.....




يتبع.....

[فله المميزة]

في ليله العرس كانت في قمة الجمال....

وهي داخلة القاعة....
كل شي كان في غاية الروعة....





http://www.m5zn.com/uploads/2010/4/20/photo/042010170457bd5exufzoi89.jpg





كل هذا عشانها ولها وهالبشر الحاضرين
جايين يشاركونها فرحتها....
كانت فعلا فهالاجواء ملكه.....

وسافرت شهر العسل.....






http://forum.hawaaworld.com/images/statusicon/wol_error.gifهذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 640x480 و بحجم 80KB.http://www.m5zn.com/uploads/2010/4/20/photo/042010170457cdz9urxw39.jpg








وتعزز شعور الملكه عندها.....
زاد الغرور والكبر والدلع....اول ما تزعل يركض
روميو يراضيها.....

كانت الحياة من الطف ما يكون.....
جو حلو وشعور جديد والبال رايق
ما فيه مسؤوليات....ما عنده غير سندريلا اللي معاه...

يراضيها ليه ما يراضيها.....

كانت تسمع احلي كلام وتعيش كانها في حلم
كل المطلوب منها تستمتع....
ويا حبذا لو تتعطف وتبدي الرضي.....


كانت تضن انها اذا جمعت ملابسه الوسخه
في كيس عشان يعطيها خدمة الغرف يغسلونها.....

او ناولته الجوال او الريموت....اوصبت له الشاهي
او رتبت هدومه فالشنطه عشانهم بيرجعون.....
ان هذا هو العرس...


بعد شهر العسل ترجع تسلم علي اهلها
وهي ما زالت عايشه الدور ومصدقة انها صارت زوجة
وجاتها مسؤوليات الزواج....
تناظر اختها اللي اصغر منها او احد قريباتها اللي مثلها
بالعمر او اكبر...
.وتقول اييييييه عيشوا وتمتعوا قبل يجيكم
هم ومسؤوليات العرس......تحسبون الزواج لعبه....
لاحظوا هذا وهي راجعه من شهر العسل.....




بعد ليلتين او ثلاث او اسبوع قضته
عند اهلها....
عايشة فيها قمة الدلع والرفاهيه والدلال
واحتفوا فيها وسولها عشاء كبير...
كانت فيه نجمة الحفل....


رجعت عش الزوجيه....





استقبلها زوجها بلهفة العاشق...
وشافت اروع غرفة نوم معده للملكه...






http://forum.hawaaworld.com/images/statusicon/wol_error.gifهذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 600x400 و بحجم 84KB.http://www.m5zn.com/uploads/2010/4/20/photo/042010170457aeliwjnxfvyso4cf.jpg







وقضت احلي ليله رومنسيه....





http://www.m5zn.com/uploads/2010/4/20/photo/0420101704572w49rx3cq.jpg







استعدادا لرجوع زوجها للعمل....






فالصباااااااااااح......





http://www.m5zn.com/uploads/2010/4/20/photo/042010170457zswhgaruqpqiak0w4tq1.jpg






ودعها زوجها بقبله علي جبينها....
وهي نايمة.....
(من غير ما تفطره)



وتوكل علي الله لدوامه....
واجة اللي واجة بالعمل...ورجع ذابحة الجوع
مر علي امه يسلم عليها قبل يرقي شقته
ريحة غداء اهله زادته جوع....
يالله يمه تعبان وتافل العافيه يالله يمديني
اتغدي واغط لي ساعتين....




اول ما يدخل الا ريحة.....






الطيب تملأ المكان....غريبه
طيب صافي يعني ماني شام ولا شوي
طبخ.....يدخل المطبخ....ماشاءالله كل شي يلمع....
ما المس....




يدخل الغرفة والا يلاقي الاميره النائمة ما زالت
مثل ما تركها الصبح....

حست فيه قامت ترمش المزيونه بعيونها
عشان يخر صريع هواها...ليته بس يتركلها فرصه
تقوم تغسل وتغير ريقها لااااا لا لااااا اكيد مافيه صبر
هذا تفكيرها.....
وين العرب هو في وادي والحسناء في وادي
سهران قايم من صبح راجع العمل بعد اجازه الشغل متكدس
والجدول متلخبط...منهد حيله.... والجوع ذابحة ....وخيبة امل
كان متأمل يلقي احلي غداء منتظره.....


تقوم بكل دلع واثونه تسحب عمرها من الفراش
لعله يغير رايه ويمنعها ما تقوم لانه متلهف لها....
تمشي بطريقة مغريه نفس ما قرت او سمعت من اللي
سبقوها فالزاج.....بس ماش وشفيه ياتري....
وهي تحت الدش بكبريائها المجروحة.....
ما زال مخها يحلل ويحلل ياتري ليه....
لا يكون قمت بدفاشه....ها او يمكن الطيب ما كان قوي
الله ياخذ اللي شريته منه قال ان ريحته ثابته
لاااا يمكن لانه توقعني اذا جاء اكون مغيره اللوك
وشكل المكياج....اكيد معجبة شكلي سايل الكحل شوي
ياربي وشفيه ليه ما اغريته...
البارح كان ميت علي مستعد يسوي أي شي
اليوم وشفيه وش قلبه....
وهي تلبس ولعت لمبه في مخها....

اكيد امه والا خواته هالعنس....
والا اخوياه بالعمل....
قالوله اثقل ولا تبين انك ملهوف عليها....

طلعت الغزال.....
وبدت تتزين وتتمكيج وتلبس اللبس اللي يلين
الصخر....مو الرجل اللي من لحم ودم....

وهو طبعا من شدة الجوع راح للمطعم لانه مافي
صبر ينتظر المطعم يوصله الغدي....

يتبع....

[فله المميزة]

ويوم دخل بالغدا الصراحة ما قصرت
فرشت السفره.....
ومانست وهي تبلع انها تاكل بطريقة مغريه....
ونعومه....

خلص غداه وهو ساكت....وطيران علي الفراش
دخلت الاخت وتحاول تلفت انتباهه وتطلع صوت
بس هو كان في سبات عميق.....



اخ زاد جرح الانوثه.....




استمر مسلسل المطاعم فتره......
وبعدين جاء مسلسل ثاني....
لان الميزانيه تعبت....ودود بطنه من اكل المطاعم
جاه الوصل لاهله صار يتغدي معهم.....





http://www.m5zn.com/uploads/2010/4/20/photo/042010170457kelwwd4iep.jpg







شفتي يمه وانتي تهديني اقولك قالبين راسه….
حسبي الله عليهم…قعدوا وراه وراه لين خلوه
يتغدي معهم ويخليني….






وتبدأ تزيد ثقافة الاغراء والليالي الحمراء
والصفراء…..
تنجح مره…. وعشره من غير نفس تأدية واجب
والاكثريه فشل ذريع…..وكبرياء مجروح


نفسية الاثنين تعبانه….وكل يغني علي ليلاه


فكرت المسكينه بكل شي من الابره للبعير….
وسقط من حساباتها امر صغير(جوع + تعب)
مزاج منعفس وخلق ضيق….




يمكن تضنون اني ابالغ….لكن هذا الواقع….
العام تزوجت وحده عمرها 29 سنه في اربع شهور
طبخت مره وحده….مسمينهم شابوره وشاهي
وودني لاهلي….


البعض…..


تقع باخطاء افكار مغلوطة عن بدايه الزواج……
كثيييييييييييير من الرومنسيه (…..) والدلع والدلال
كثييييييييييير من الزعل والحساسيه علي اتفه الامور
تضن ان تاج الملكه اللي عاشته فتره الخطوبه وشهر
العسل….بيبقي العمر كله……




اسأل الله لي ولكم رجاحة العقل وحسن التدبير



تم بحمدالله…..

[شوقي الى الله ابكاني]

اللهم امين
بارك الله فيك على روعة موضوعك

[Arjwan]

مسسكين الرجال ، طاح في يدها ..

اجل صدق المثل القائل

( الطريق إلى قلب الرجل معدته )

شكــــــــراً فلة ..

http://hadaeeq.nqeia.com/vb303/images/smilies/2/Flow29.gif

[أبوسعود المكي]

بارك الله فيكم ,, اختيار جيد.

أسأل الله أن يهدي الزوجين الى مافيه صلاح دينهم ودنياهم.

[سفري بعيد وزادي قليل]

موضوووع جميل ..
وللأسف اللي ذكرتيه واقع عند كثيييييير بنات يحسبووون الزواااج تمشيات وخرجاااات ولبس وشياكة وخلاص ,, الله يعيننا ع المسؤولية .

[خزااامى]

شكرا أختي فله .. موضوع رائع جدا ...

وللأسف إن أغلب البنات نظرتهم للزواج كذا إنه عالم وردي ودلع وكشخه مادروا إنه مسؤلية

كبيرة كبيرة كبيرة ... تخيلي أسرة كاملة أنتي المسؤولة عنها << طبعا بمشاركة الزوج لكن المرأة هي الأساس...

و من خلال أسرتك ممكن تقدمين خير للمجتمع وممكن تكونين سبب في وجود مشاكله...

فالمسألة أبدا مو سهله <<< لكن هذي زودتها شوي

[فله المميزة]

بارك الله فيكم جميعا على الكلام الطيب

[Opto.Hamza]

جزيت ِ الفردوس الأعلى ... أختناا الفاضلة // فلة المميّزة ،،

موضوع جدا ً رائع ورآقت لي طريقة العرض ...

لو تعملها أم عمآد ... هي أدرى باللي يصير ^_^

بوركت الجهود ،،

[مرسى الإيمان]

بوركتِ غاليتي فلة على طرحك المميز
　
　
　
وللأسف كثيرات من الفتيات يعتقدن الزواج لهو ولعب
　
　
　
وسهرات ولبس ومكياج وخلاص




لو تعملها أم عمآد ... هي أدرى باللي يصير ^_^




( برأيك بعملها ^-^ )

[Opto.Hamza]

( برأيك بعملها ^-^ )

[/align]

مآ أعتقد ...

[فله المميزة]

بارك الله فيكم على المرور

[الدكتور]

جميل جدا أسلوب بسيط وواضح

وأكيد أن الخطأ الكبير يقع على كاهل الأم اللي ما نصحت لبنتها ولا علمتها إن الزواج مسؤولية وفيه توزيع مهام

زي ما الرجل يكد خارج البيت المرأة تكد ولكن داخل البيت والدنيا أخذ وعطاء

بارك الله فيكم أخت فلة المميزة ونفع بكم

[رضى الناس غاية لا تدرك]

ربي يعطيك الف عافية على تميز مواضيعك اختي الفاضلة فلة

فلقد والله ابدعتي بانتقائك


تستحقين التميز بجدارة وايضا تقييمي لك تستحقينه

[فله المميزة]

بارك الله فيكم على المرور

[Opto.Hamza]

بارك الله فيكم على المرور

وفيكم بآرك الرحمن الرحيم ...

[صمت الدموع]

موضوع رائع جزيتي كل خير..

[فله المميزة]

الشكر لكل من مر بالموضوع أو رد وبارك الله فيكم وأسعدكم