شوفوا وش صارلها بعد شهر العسل.....(الجزء الاخير)...فعاليات الاسريه

[فله المميزة]

السلام عليكم ورحمة الله وبركاته






http://www.m5zn.com/uploads/2011/6/5/photo/060511130652c7za4xx01vzx86k.jpg (http://create-avatar.m5zn.com/)








الظاهر لي والله واعلم انها...(بنوته)





(اف الحمدلله.. الله فكنا من اسم ابوه)



طبعا بينها وبين نفسها...




ركبت السياره وهي بالها مشغول بالاسم....



ريناد...لما...لينا...لميس...مي ار....



بدون شعور لقت نفسها تردد الاسماء....




لاتتعبين عمرك الامر محسوم بسميها علي...



(جدتها)...




آآآآه وييييش العنود...لااااااا



حرااام عليك تعقد البنت.... الاسم قديم وكبير عليها




اول شي الاسم قديم جديد...احمدي ربك ان اسم امي كذا



لو تسمعين اسامي امهات اخوياي وعجايزنا الباقيات



كان عرفتي النعمه ان جدة بنتك اسمها العنود




ياسعود ياسعود تكفي...الغلا مو بالاسامي



اذا انت تغلي امك برها مهوب تسمي عليها



وتعقد بنتك..عشان تبين لامك انك تغليها



ومن قال ان الاسم بيعقدها...



وبعدين تقولين كبير عليها...لييه هي بتقعد صغيره



طول العمر...



ومن عوايدنا ان الاحفاد يسمون علي جدانهم



والطفل هو اللي يزين الاسم مو العكس....




لايمكن اصير ام العنود لاااا لااا مستحيل




لاصرتي انتي اللي بتطلعين شهادة الميلاد حطي الاسم



اللي تبين...لكن دامها بنتي وبتسجل باسمي انا اللي بسميها




انت ظالم انا اللي حملت وتعبت وبربي وبسهر ووووووووووو



وبعدين هي بنت والمفروض انا اسميها...




ليه وعساك كنتي راضيه بالاسم اللي كنت بسميه لو كان



ولد...انتي نشبتي بحلقي قبل لنعرف هي بنت والا ولد



وكنتي رافضه اسم جده...




جده وجدته تراك ذبحتي جاك الوصل لهلك بشي



ماتعبت فيه.....



واصلا......................... ....



وتري.......................... .........



واذا.......................... ................



وانا تعبت.......................... ..........



وتذكر......................... ........



وسويت......................... .....



.............................. .............................. ...






http://www.m5zn.com/uploads/2011/6/5/photo/060511130652493tf99n.jpg (http://create-avatar.m5zn.com/)








مسيك بالخير يالغاليه....




هلا يابوي مسيك بالرضي والعافيه




ابشريلك ببكره....




(والله مايقدر يسكت لازم يعلمها ...التقرير اليومي)




الله يبشرك بالخير ويحفظها ويتم حملها...



بشر ان الله ان كل شي زين ...




ابشرك الحمدلله انها طيبه...ومالها من الاسامي الا اسمك




بعد ماشافت الزعل بادي علي وجه الزوجه...



عاني طالبتك اذا لي غلا عند انك ماتسميها علي....



اخوك مسمي علي.... الغلا مهوب فالاسامي وانا امك



وانت غالي لو ماسميت علي...




بعد محاولات ....اجل والله مايسميها الا انتي




(خلاااااص بغي يغمي عليها من القهر)..الزوجه




اسمع وانا امك حلف(ن) مهوب حلفك



ان مايسميها الا امها...




(مابغي يطلع من هالعجوز شي(ن)... زين)




دخلو شقتهم...




ما تعلميني انتي وشفيك الحين قالبت(ن) وجهك



من يوم طلعنا من المستشفي...




اسال عمرك...ولا تحسبني فرحانه الحين وطايره



من الفرح انك بتخليني اسمي بنتي بعد ماخذيت



الاذن من امك...



اصلا من خذيتك وانت ضعيف شخصيه



ما تقدر تشق خيط بابره الا باذن اهلك...




انا ولد امي واخاف منها ومن خواتي...



وضعيف شخصيه قدامهم...



ولازم استاذنهم بكل صغيره وكبيره عشان يدبروني



لاني ماعرف اتصرف من غير شورهم ها اسف



من غير امرهم...



وانا مقدر اطلع بطولتي الا عليك..



وهذا انا عاجبك عاجبك...مو عاجبك طقي



راسك باكبر جدار عندنا...وارفقي علي



الجدار عشان ما يتعور....ههههه



حفظت اسطوانتك....ياتافهه




انا تافهه ياسعود...




ماسمعت الا صوت الباب يتسكر بقوه بعده بقوه



.............................. ...........................



.............................. .............................. .




يتبع....

[فله المميزة]

http://www.m5zn.com/uploads/2011/6/5/photo/060511130652ncvp6ceopm8b.jpg






http://t1.gstatic.com/images?q=tbn:ANd9GcSXngFmwdwx6rhmyUwCxBq6ndwHPSwKS t01j0SOQ1pMZc_23toBvQ




لاتقهويت ابيك ياقلبي توديني السوق....



ناظرها بابتسامه.... يانعمك لاصار لك عازه



نسمه نسمه حتي صوتك مسمعه...



جات بترد بس مسكت عمرها...



وهم نازلين...



وين بتروح....بمر الشيبان وحنا واقفين منا مطولين



دخلت وسلمت وكانت تنتظره يعطيهم التقرير



بنروح السوق بنشري اغراض الاميره




(الخوات)...



يالله اخيرا بيجينا بزر نلعب عليه....



يانا بسوي فيها سوات...



ردت الثانيه هههه هذا اذا صارلك مجال تاخذينها



انا حاجزتها قبلك...



ردت الثالثه استريحي انتي واياها...



بنت سعود لي انا طالبتها منه قبلكم



اصلا مهوب شايفينها...



ومن قال انكم بتلمسونها الا يتذكره...بخمس ريال



ببني عماره من هالبنت البوسه بفلوس والشيله بفلوس



وووووو...



يالله ياسعود تاخرنا....



اسمعي وانا امك لا تكثرين...



تري المالود يكبر بسرعه وتصغر هدومه...



وبتروح عليك مخاسير عالفاضي....



اشريلها اللي يكفيها فالاربعين...



وبعد الاربعين تجيبين اكبر ماتدرين يمكن تسمن والا....



ان شاءالله ان شاءالله...يالله ياسعود






http://www.m5zn.com/uploads/2011/6/5/photo/060511130652wktd3ctz.jpg (http://create-avatar.m5zn.com/)







http://www.m5zn.com/uploads/2011/6/5/photo/060511130652ntuek1ongx1osw.jpg (http://create-avatar.m5zn.com/)







http://www.m5zn.com/uploads/2011/6/5/photo/060511130652mvzpu7x98s38w9.jpg (http://create-avatar.m5zn.com/)






http://www.m5zn.com/uploads/2011/6/5/photo/060511130652lf854tjjs3het78hdq.jpg (http://create-avatar.m5zn.com/)






http://www.m5zn.com/uploads/2011/6/5/photo/0605111306529d7inef27l.jpg (http://create-avatar.m5zn.com/)







http://www.m5zn.com/uploads/2011/6/5/photo/060511130652saqzev04hf7lzs0m.jpg (http://create-avatar.m5zn.com/)





http://www.m5zn.com/uploads/2011/6/5/photo/0605111306526wqr3jh32w.jpg (http://create-avatar.m5zn.com/)




http://www.m5zn.com/uploads/2011/6/5/photo/0605111306526ncnnl7aa0a.jpg (http://create-avatar.m5zn.com/)





باااااااااس يالله....انتي مهبوله مابي شي فالسوق


ما خميتيه...


طلعت وهي تتحلطم وتهاوشوا قبل يوصلون السياره


طبعا نصايح الوالده...لاتكثرين خلاص رسخت بمخك


اكيد طبعا نصايحها...موتي موتي جعل الموت ياخذك


ياخذ من يبغظ زولي...


تدعي علي وانا علي وجه ولاده...وانهارت فالبكاء


كسرت خاطره وقام يهديها...


وجابلها عصير...


ياحبيبتي يام اللي مدري وشبتسمينها....


انتي تخليني افقد اعصابي...


كل شي ملبق(ن) بهالام والخوات....


كلمه قالتها ماتقصد فيها شي...


مره كبيره ومجربه...


وبعدين انا تاركك من جينا تاخذين اللي خاطرك فيه


ماقلت لا ...بس انا ميزانيتي محدوده


وانتي الله يهداك تاخذين ماطاحت عينك عليه....


انت اللي تبي عيال....والعيال مصاريفهم كثيره...


وهذا اول طفل لي خلني افرح فيه...


توك ماجاك شي...


بعد فتره من السكوت...


طيب وشناقصك من الاغراض...


ابي سرير وديباج...


وابي .....


وابي......


وابي........


وابي......


وابي......


.............................. ............


.............................. ...............


.............................. .................




يتبع...

[فله المميزة]

(http://create-avatar.m5zn.com/)http://www.m5zn.com/uploads/2011/6/5/photo/060511130651rferucty2rgsi.jpg (http://create-avatar.m5zn.com/)






مبروووووووك مبرووووووك تتربي بعزكم ان شاءالله


يالله ياحلاتها تجنن تجنن....


كانت هالتعليقات مثل الموسيقي علي مسامعها...


كانت واثقة انها ماتجيب الا بزر مزيون...


وفعلا كانت البنت حلوه الشعر حرير والبشره مخمليه....


بعد النفاس رجعت بيتها....


وبعد اسبوعين من رجوعها....


كانت في حيره شلون تفاتح زوجها انها محتاجه ملابس


للبنت...


راحت للدولاب ولقت الملابس كثييييير موجوده باكياسها


جديده ....وشرابات وكبابيس صغرت عليها....


لان راسها كبر وما صارت تدخل فيه....


ضاق صدرها...وتذكرت كلام عمتها


(اعوذ بالله منك يا ابليس..ليتني سمعت كلامها)


.............................. ..........................


.............................. .............................


.............................. .............................. ....





(http://create-avatar.m5zn.com/)http://www.m5zn.com/uploads/2011/6/5/photo/060511130652fluyzab7t7a6k7.jpg (http://create-avatar.m5zn.com/)








رجع زوجها شايل البنت....


نايمه اكيد تعبانه....


مهي حاله هذي طول اليوم بنتي عند اهلك


ماشوفها يعني...ام بالاسم بس


قل لاخواتك يشوفون لهم لعبه غير بنتي


والا يعرسون ويجيبون لهم بزران بدال ماهم مناشبيني بهالبنت....


تعشي وراح يرقد من غير ما يرد عليها


وصارت كل مانزل البنت عند اهله....


وحست انه طلع...


راحت خذتها...


.......................


عرف باللي تسويه... وسكت


وكان منتبه ان هدايا اهله ما تلبسها البنت عكس


هدايا اهلها...


وانها تتكلم عن حب اهلها للبنت....


وووووو....


.............................. ....


كل ماكبرت البنت كان حظها من الجمال ينقص


وكان هالشي مضايقها جدا ومسبب لها حالة نفسيه


خصوصا مع تعليقات اختها جواهر اللاذعه...


جواهر...


ههههه ريماس ظلمتو الاسم عزالله


هذي ريمال ظلال ظلام ...


كانت ترد علي اختها وتحاول تدافع بس ولو هي متضايقه


بعد ما راحت جواهر...


يمه اول ماجبت ريماس كان شعرها حرير...


وطاح كله ...الظاهر نظلوها...


وبشرتها بيضه ومخمليه...


وملامحها غير...


هههه لا وانا امك محد نظلها...


الشعر الاول شعر البطن ومعروف انه يحت ويطلع غيره


وعالعموم البنت ام سبع وجيه...


عدك بها زينه تقلب تشين....لاقلتي بنتي شينه


تفاجاك لاكبرت بزين يهول...


الله يسمع منك...والله انها مضيقه صدري


مهما ازين واكشخ فيها مايبان مع هالفلافل...


و...استغفرالله يارب لك الحمد علي الصحة والعافيه


وانك رزقتنيها سليمه...


.............................. ........................


في يوم وهي بانتظار المستشفي....


لفت نظرها بنتين ماشاءالله كل وحده تقول الزود عندي


يهبلون يهبلون...


لقت نفسها تتبعهن بنظراتها بدون ماتحس


ان ضحكو ضحكت وان بغو يطيحون تفز لاشعوري


من كثر ما ياخذون القلب...


عمشه وضحه يالله مشينا....


تفاجات ان هالحلوات هذي اساميهن....


وبعد ما راحوا لقت نفسها تاشر لهن لاشعوري


وتذكرت كلام رجلها ان الطفل هو اللي يزين الاسم مو العكس


وحست ان اي بنت اسمها عمشه او وضحه بتكون


ملكة جمال...


(وطبعا موصحيح)


.............................. ...............


في عشاء اهل رجلها....


كانت بنتها جنبها.... واذا طلعت لازم هي تروح تجيبها


محد يكلمها ولا يلعبها...ماكنها موجوده


والعنود بنت اخوه الكبير...ما طاحت من يدين


عماتها ....حتي يوم كبت العصير علي عمرها


خذوها وخذو شنطتها من عند امها


وغسلوها وبدلو ملابسها وطيبوها....


هي بكبرها كانوا متجاهلينها .....


.............................. ............


في بيتها سمحت لدموعها بالنزول....


وثاني يوم راحت لاهلها....


امها وشفيك....


تعبانه...


اسم الله عليك عسي ماشر...عسي ماشي موجعك


حياتي ملخبطه من تزوجت عجزت ارتاح او اريحه


والتعب لحق بنتي...


البارح كنها يتيمه ماتقولين انها عند اهلها


وانا وسعود دايما مناقر وهواش...


ماني مرتاحه ماني مرتاحه


يابنتي الامر بسيط وحياتك حلوه....


وزوجك رجال ماعليه قصور...


انتي تقولين كذا عشانك ماعشتي معه


هذا من شيبان اول...


لا وانا امك انتي اللي من بنات هالوقت...


ايه من بنات هالوقت اجل تبيني مثلكم ...


اطيعه من غير تفكير الغي مخي وكرامتي


ورهن اشارته...


ضحكت الام وقالت والله انتن اللي ماعندكن كرامه


الحين...والا احنا كرامتنا محفوظه وحافظات كرامه اهلنا


الوحده فيكن تنهان وتسب ويلعنون اهلها بسبتها


وامره نافذ غصبن عليها...


متشرده ومشرده عويلها معها...اسبوع ببيتها


وشهر عند اهلها...فهالاسبوع مشاكل وهواش علي ادنات الدون


اما حنا وانا امك حاكمات ومالكات ولنا الامر والشور


بدون مايحس...


شلون...


بسم وان شاءالله وعلي امرك...


.............................. ..


كتبت فاكثرت وفصلت ارجو السموحه


واخر الكلام...


العناد يولد العناد...


والرجل رجل والمراه مراه


الا مع الخسيس...


تم بحمد الله...
(http://create-avatar.m5zn.com/)

[بدوور]

قصة جميلة بس ما أدري هل أنتهت ,,,
أحس أن لها بقيه !!!

[حياتي]

روووووعة القصة وأكبر تحية لكاتبها ....
لكن الحسافة إنها انتهت ...
أنتظر جديدك .

[رضى الناس غاية لا تدرك]

كم هي راائعة وفيها من العبر الكثير

ضحكت وبكيت

ولكن الاهم اني فعلا منها استفدت


اشكرك فلة انتقائك جدا مميز

[الدكتور]

هي توجيهات جميلة ورائعة من الآباء إلى جيل الأبناء

توجيهات أن عز الزوجة ليس بالعناد ومحاولة فرض الشخصية بالقوة

بل بالسمع والطاعة للزوج ومراعات والدي الزوج

بارك الله فيكم أختنا فلة المميزة على هذه النصائح الجميلة

[انا بنت الاسلام]

بارك الله فيك ..
قصه جميله تحمل فوائد كثير ..

[صمت الدموع]

قصة رائعه ..

تمنيت انها لم تنتهي من روعتها ..

الله يعطيك العافيه ..

[فله المميزة]

الشكر لكل من مر بالموضوع أو قام بالرد وبارك الله فيكم وأسعدكم