يـابوي

[نبراس]

فارقتني يابوي والدمع أنهار


تسيل من قبرك وتوصل لبيتك


قل لي يابوي الحين من يحيي الدار


وشلون تسمع لو نويت وشكيتك


لو يوم أخطي كيف توصلك الاعذار


وشلون أصرخ لك بكلمة فديتك


رحلت عني آه ياشين الاسفار


خذني معك للموت والا خذيتك


مع غيبتك ماعاد ابي أعرف اخبار


من له أببكي بعد انا مابكيتك


أرض الفرح ماعاد تنبت بالامطار


والروح لو تعطى بروحي عطيتك


ماخذت من بنتك سوى الحزن تذكار


وهي خذت حبك وطيبك وصيتك


ماعاد تنفعني مع الليل الانوار


يانوم لاتقرب لعيني نسيتك


يابوي خذت فعالم الموت مشوار


لولا غضب ربي على الموت جيتك


أذكر صدى آهاتك تهز الاسوار


واذكر ضلوعي تنصهر لارجيتك


واذكر سرير ابيض عليه الألم جار


دورت عن حزني يابوي ولقيتك


يااغلى بشر راحت به رياح الاقدار


يالله عسى الجنه قرارك وبيتك


همي على فرقاك منثور باشعار


جعل الشعر للموت لو مارثيتك



م

ن

ق

و

ل

[صقر الأحبة]

نبراس

نقل موفق وفقت في إختياره

نتطلع إلى المزيد من مشاركاتك النافعة

صقر الأحبة

[نبراس]

حياك الله صقر

[ألام الفراق]

نبراس نقل رائع مؤثر لقد نكأت جرحا غائرا



الوالد عماد الدار واساس بنيانها



اللهم ارحمهما كما ربياني صغيرا

[المشكاه]

اخي نبراس


مرحبا بك وبابداعك المتميز

بين سطور صفحاتنا

مشاركة تدل على احساسك الرقيق

ومشاعرك النبيلة

وابداعك المضيء

عشت نبراسا للاحبة