قصيدة أبكتني

قصيده كاتبها واحد سوى حادث
وكانت معه امه في السياره و توفيت الأم
ــــــــــــــــــــــ
يواسيني وانا الميت وحالي يجبر الدمعات
تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات
يجبروني عشان امشي ورجلي ما تمشيني

قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني

وكنه حلم قدامي يقيدني من الصرخات
ابي اصحى ولكني عجزت القى ال يصحيني

فداك القلب يايمه ومهما قلت من كلمات
صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني

تجول عيونهم فيني تفصل مني قياسات
وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات
وصار الهم عكازي اباكيه ويباكيني

عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات
تعالي غيري هالقول واطيعك باقي سنيني

فداك القلب يايمه ومهما قلت من كلمات
صغيره في كبر حقك بس اتمنى تعذريني




كم احب أمي

وكم احب كل حرف ينبض للأم


مشاركه رائعه اخي الحبيب

قصيدة تنبض ألما ودموعا

غفر الله لوالدته
وجمعه بها في جنات النعيم

أسأل الله أن يغفر لامه وأن يجمعه بها في الفردوس الاعلى...


&توقيع محبـــــ الصادع بالحق ـــــــك&

المشاركة الأصلية كتبت بواسطة الصادع بالحق

أسأل الله أن يغفر لامه وأن يجمعه بها في الفردوس الاعلى...


&توقيع محبـــــ الصادع بالحق ـــــــك&

اللهم آمين
وجزاكم الله خير على المرور والردود الطيبة

سبحان الله ..سبحان الله
كلمات تبكيها القلووب وتنشر دموعها العيوون
"اللهم ارحم امه رحمة واسعه واغفر لها"
"الله ارحم ضعف ولدها ونور قلبه بنور الايمان والزمه الصبر والثبات حتى يلقاك واجمعه بأمه راضيتاً عنه ياأرحم الراحمين"
بارك الله فيكم اخي عبدالله

السلام عليكم ورحمة الله وبركاته
القصيدة جميلة جدا وجزاكم الله خير