اصلاح النفس. تعليقاتكم على موضوعي مهمة جدا بالنسبالي

بسم الله الرحمن الرحيم
السلام عليكم ورحمة الله وبركاته
حوار مع النفس الحوار دة علشان ازاى أصلح نفسي إصلاح بمعنى مش إني أكون محترم بس لاء ومتدين هو دة الإصلاح. إحنا في العصر بتاعنا مسلمين بالاسم بس حد يقدر يقول ليه؟ أنا أقولكم ليه.
إحنا بنتكسف نتكلم عن دينا علشان عصرنا كله بقى أغاني رومانسية وكليبات والمناظر طبعا اللي في الكليبات دة غير الشات مع البنات والشباب واللي بيحصل طبعا في الشات. زمنا بقى زمن نانسي عجرم وهيفاء وهبي وبوسي وماريا . وإذا فضلنا في الزمن دة
يبقى نقول أهلا بالحزن والتعاسة والمرض والألم أهلا بينا خالدين فيكي يا نار أما إذا اتقينا ربنا وعملنا حساب ليه وبقى في قلوبنا يبقى أهلا باللي ربنا هيكرمنا بيه أهلا بالسعادة والصحة والحب أهلا بينا فيكي يا جنة أهلا برضا ربنا علينا.
طيب ازاى أصلح نفسي؟ بسؤال هو أنا راضي عن نفسي؟ طيب هعرف ازاى؟
هو أنا بصلي الصلاة في وقتها بحسن وضوئي وبكون خاشع فيها بصوم بزكي بذكر ربي بأدي النوافل والسنن لساني بيقول الكلمة الطيبة بخدم ديني بقرأ القرآن بتقي ربي؟
يا جماعة مش معني إني أكون متدين يبقى هدومي مهرولة أو لازم جلبية ودقني طويلة وشعري طويل وأتفرغ للعبادة وفاشل في حياتي لاء خالص دة حتى ميرضيش ربنا وإحنا عايزين نرضيه صح؟
بالعكس لازم أكون حسن المظهر وأخلاقي كويسة ولساني بيقول الكلمة الطيبة وابتسم في وجه الناس وأعمل الخير وأكون ناجح في شغلي وحياتي وأعبد ربي وأذكره.
نبتدي بالصلاة 1-الوضوء: واني لازم أكون خاشع في وضوئي ازاى يعني؟
يعني كل حركة بتعملها زى غسل الوجه أي حاجة بتكون شوفتها واشتلت منها ذنوب لما بتغتسل ذنوبك بتنزل مع الميه اللي نازلة من على وجهك يقول رسول الله عليه الصلاة والسلام:من توضأ فأحسن الوضوء فقال أشهد أن لا اله إلا الله وحده لا شريك له وأشهد أن محمدا عبده ورسوله فتحت له أبواب الجنة يدخل من أيها يشاء.
2 -الصلاة: فلازم تظبط السجادة ناحية القبلة اظبطها بقلبك من بأيدك بس.. اقف من غير ما تتحرك كتير وثبت عنيك وممكن إذا مش قادر تثبت عنيك خلى المصحف أدامك وثبت عنيك عليه وأعرف إن الله تبارك وتعالى بيقبل عليك بوجهه الكريم وأنت بتصلي بيكون واقف أدامك.أقف باستحياء فأنت واقف أمام الله.
3-الصيام: انت بتصوم رمضان بس يقول رسول الله عليه الصلاة والسلام:من صام رمضان ثم اتبعه ستا من شوال فكأنما صام الدهر. طيب والنوافل أنت عارف إذا صومت يوم عرفة إيه بيحصل؟ بيتغفر ليك سنة فاتت وسنة جاية أنت عارف كمان إذا صومت 13-14-15من شعبان إيه بيحصل بيمحي ليك كل الذنوب إيه لسة مش عايز تصوم النوافل؟
4-الزكاة: إيه مش عايز تزكي ليه زكي عن صحتك عن أولادك خرج لله أنت عارف انك إذا خرجت زكاة لله ربنا يضاعفها ليك.
5- السنن: أنت عارف إن لكل فرض سنة إذا جيت حسبتها هتلاقي السنن 12 ركعة ويقول رسول الله عليه الصلاة والسلام:من صلى في اليوم والليلة اثنى عشر ركعة تطوعا بنى الله له بيتا في الجنة.
6-الرضا بقضاء الله: أي مشكلة بتقع فيها دي بتكون اختبار ليك من الله عز وجل بيختبر إيمانك بيه أو شاف انك بعدت عنه شوية
فحب انك ترجع تقرب ليه أصل انت مش عارف دة بيحبك وبيحب يسمع صوتك في الدعاء.
7- القرآن الكريم: يقول رسول الله عليه الصلاة والسلام: اقرءوا القرآن فانه يأتي يوم القيامة شفيعا لأصحابه.
ويقول أيضا: من قرأ حرفا من كتاب الله تعالى فله حسنة والحسنة بعشرة أمثالها لا أقول الم حرف ولكن ألف حرف ولام حرف وميم حرف.
8-الأخوة في الله: يقول الله تبارك وتعالى في الحديث القدسي: وجبت محبتي للمتحابين في, ووجبت محبتي للمتجالسين في, ووجبت محبتي للمتزاورين في, ووجبت محبتي للمتواصلين في. ويقول رسول الله عليه الصلاة والسلام:من أراد الله به خيرا رزقه خليلا صالحا إن نسي ذكره وان ذكر أعانه.
9-ذكر الله:من قال استغفر الله 100 مرة جعل الله له من كل ضيق مخرجا ومن كل هم فرجا ورزقه من حيث لا يحتسب.
من قال سبحان الله 100 مرة كسب 1000 حسنة, من قال سبحان الله وبحمده سبحان الله العظيم ثقل ميزانه.
من قال سبحان الله وبحمده 100 مرة غفرت له ذنوبه وان كانت مثل زبد البحر أو يزرع له نخل في الجنة.
ومن قال لا اله إلا الله وحده لا شريك له له الملك وله الحمد وهو على كل شئ قدير 100 مرة. عرف بيحصل إيه؟
كأنك أعتقت 10 رقاب وكتب لك 100 حسنة ومحيت عنك 100 سيئة وكانت حرزا لك من الشيطان طيلة اليوم ولم يأت أحد بمثل ما جئت به إلا رجل قال مثلك أو أكثر.
أما لا حول ولا قوة إلا بالله فهي كنز من كنوز الجنة( حاول تاخد من الكنوز دي على قد ما تقدر) و لا اله إلا الله (بتخلي القلب موصول بالله وبتجدد الإيمان). وغرس الجنة: تقول سبحان الله والحمد لله والله أكبر ولا اله إلا الله.
يقول رسول الله عليه الصلاة والسلام:من قرأ آية الكرسي دبر كل صلاة مكتوبة لم يمنعه من دخول الجنة إلا أن يموت.
ويقول أيضا: من تبع جنازة مسلم إيمانا واحتسابا وكان معها حتى يصلي عليها ويفرغ من دفنها فانه يرجع من الأجر بقراطين, كل قيراط مثل أحد ومن صلى عليها ثم رجع قبل أن تدفن فانه يرجع بقيراط من الأجر.
ويقول رسول الله عليه الصلاة والسلام: من صام يوما في سبيل الله باعد الله منه جهنم مسبرة مائة عام.
ويقول: من صلى الفجر في جماعة ثم قعد يذكر الله حتى تطلع الشمس ثم صلى ركعتين كانت له كأجر حجة وعمرة تامة تامة تامة.
على فكرة انت عارف إن ممكن إنسان يدخل النار لأن كفة ميزانه ناقصة حسنة واحدة فيروح علشان حد يقرضه الحسنة دي فيقولوا له نفسي نفسي حتى أمه تقول له نفسي نفسي اعتبر إن كفتك ناقصة حسنة واعتبر إن أدامك فرصة تزودها حاول تزودها وتخلي فيها كمان احتياطي علشان متحتجش انك تاخد من حد.
أما الإسلام دينك يتخيله الحسن البصري يوم القيامة يمر على الناس ويقول يا ربي هذا نصرني أما هذا خذلني وهذا نصرني وهذا خذلني حتى يأتي إلى عمر بن الخطاب ويقول يا رب كنت غريبا حتى أسلم هذا الرجل يا ترى الإسلام هيقولنا كدة يا ترى هيقول يارب كنت غريبا في هذا البيت حتى تدين هذا الرجل طيب يعني أعمل إيه علشان أنصره؟
الرسول عليه الصلاة والسلام بيقول: بلغوا عني ولو بآية. بمعنى أى حاجة تعرفها قولها للناس عرفهم حتى لو كانت بسيطة.
يا ترى تحب تشتغل شغلة الأنبياء؟ طيب ازاى؟ خد بيد اللي حوليك. تخيل إن ربنا سبحانه وتعالى يختارك من وسط الملايين ويقول تعالى هشغلك عندي. طيب... هتشغلني عندك إيه يا رب. فيقول : تدل الناس على طريقي. يا ترى فيه أحلى وأجمل من كدة.واعرف إن حسناته هتتحط في كفة حسناتك وكل ما واحد ياخد بايد واحد هتزيد حسناتك لان كان عن طريق اللي انت أخدت بايده في الأول.
أقولك حاجة توجعك بجد: اليهود وهما دخلين يحتلوا المسجد الأقصى كانوا بيغنوا أغنية بيقولوا محمد مات خلف بنات تخيل بيقولوا كدة على رسول الله الذي بعث بالحق دي مش إهانة للستات لكن إهانة للرجال بمعنى معندهمش رجال مش معنى كدة انك تروح وتعمل وتكسر لاء انصر دينك عرفهم يعني إيه الإسلام عرفهم إن إيمانا مش ضعيف وان المسلمين كتار أوى ومش مسلمين بالاسم لاء بالفعل انصر دينك.
ممكن اسأل نفسي بعد ما أعمل كل دة يا ترى أنا راضي عن نفسي؟ الحمد لله أنا راضي عن نفسي.
لكن يا ترى رضيت ربي؟ دة اللي ربي عايزني أعمله وهحاول أرضيه وأتقرب ليه أكتر أتمنى أن يكون راضي عني.
انشرها وخد بايد صحبك وأخوك وكل اللي تعرفه وان شاء الله هيجزيك خير واعرف إن من تعاون على طاعة الله ربنا بيكرمه آخر كرم.
أقول قولي هذا واستغفر الله لي ولكم.

السلام عليكم و رحمة الله و بركاته

حياك الله innocent و جزاك الله خيرا

بارك الله فيك على الأسلوب البسيط اليسير أحسن الله إليك

المشاركة الأصلية كتبت بواسطة innocent

أو لازم جلبية ودقني طويلة وشعري طويل

يا أخى / أختى : innocent إن ما ذكرته فى موضوعك على إنه مش لازم و أوردته فى سياق الكلام مع الهدوم المهروله و الفشل فى الحياة فهو الهيئة التى يجب أن يكون عليها المسلم المتشبه بالنبى محمد صلى الله عليه و سلم و الصحابة الأخيار فنحن نتتبع و نتلمس خطى المعصوم عليه الصلاة و السلام وليس الصحيح أن تكون الهيئه هى الجينز و التى شيرتات ولا لبس البدل التى ما حضرت إلينا إلا من الغرب فالحق أحق أن يتبع

عن أبي هريرة رضى الله تعالى عنه
أن رسول الله صلى الله عليه وسلم قال (بينما رجل يتبختر، يمشي في برديه، قد أعجبته نفسه، فخسف الله به الأرض، فهو يتجلجل فيها إلى يوم القيامة).

وعن أبي هريرة رضى الله تعالى عنه
أن رسول الله صلى الله عليه وسلم قال رب أشعث أغبر ذي طمرين تنبو عنه أعين الناس لو أقسم على الله لأبره

أحسن الله إليك

بارك الله فيك innocent
ونفع بك

الاسلام يا اخوة قبل المظهر ان يكون ممتلا به الجوهر

ان كنت قلبا متمسكا بكتاب الله وسنة نبيه فستكون قالبا كذلك

اذا المؤمن قلبا وقالبا عليه مظهر الاسلام الكريم

والله ان الله اكرم الانسانية بهذا الدين الكريم
فاين المسلمون من دينهم ؟؟؟



مع تحياتي
اخوكم
احمد

[

شكرا لك اخى على هذا التوضيح الرائع .. وكم قال اخى احمد لو تمسكنا بالكتاب والسنة لكان افضل لنا ولكن الناس الان فى اجازة عن الدين ولاحول ولاقوة لابالله .. يعنى لو لناس تعاملو بهذا الحديث عن النبى صلى الله عليه وسلم.. ‏حدثنا ‏ ‏عثمان ‏ ‏حدثنا ‏ ‏جرير ‏ ‏عن ‏ ‏منصور ‏ ‏عن ‏ ‏الشعبي ‏ ‏عن ‏ ‏وراد ‏ ‏مولى ‏ ‏المغيرة بن شعبة ‏ ‏عن ‏ ‏المغيرة بن شعبة ‏ ‏قال ‏
‏قال النبي ‏ ‏صلى الله عليه وسلم ‏ ‏إن الله حرم عليكم عقوق الأمهات ‏ ‏ووأد ‏ ‏البنات ومنع وهات وكره لكم قيل وقال وكثرة السؤال وإضاعة المال .. والحديث الاخر ..‏حدثنا ‏ ‏محمد ‏ ‏حدثنا ‏ ‏عمرو بن أبي سلمة ‏ ‏عن ‏ ‏الأوزاعي ‏ ‏قال أخبرني ‏ ‏ابن شهاب ‏ ‏قال أخبرني ‏ ‏سعيد بن المسيب ‏ ‏أن ‏ ‏أبا هريرة ‏ ‏رضي الله عنه ‏ ‏قال ‏
‏سمعت رسول الله ‏ ‏صلى الله عليه وسلم ‏ ‏يقول ‏ ‏حق المسلم على المسلم خمس رد السلام وعيادة المريض واتباع الجنائز وإجابة الدعوة وتشميت العاطس ‏
‏تابعه ‏ ‏عبد الرزاق ‏ ‏قال أخبرنا ‏ ‏معمر ‏ ‏ورواه ‏ ‏سلامة بن روح ‏ ‏عن ‏ ‏عقيل

السلام عليكم ورحمة الله وبركاته
جزاكم الله خيرا وشكرا أخي على التوضيح بس حضرتكم مفهمتونيش لما قولت جلباب طيب ما فيه ناس بتلبس جلباب وبيكون جميلة جدا أنا أقصد الناس اللي بتهرول في نفسها بقصد انها متدنية بيكون شكلها الوجه العابس والشكل المهرول عن قصد وبعدين مش كل الهدوم جينز ولا بدل وكنت أقصد بكلامي النجاح في كل حاجة دة اللي الاسلام برضوة عايزه علشان نكون قدوة للغير علشان لما يلاقيه ناجح حسن الخلق حسن الثياب يقول أنا ليه مكنش زيه؟
وجزانا وجزاكم الله كل الخير.

السلام عليكم ورحمة الله وبركاتة

جزاك الله خير

اخي الفاضل inoocent
بارك الله فيك . بس انا بقول ان في مجتمات
بتحدد على الشخص ان يلبس زيهم .
الله يوفق الاسلام والمسلمين
وبارك الله فيك يا براءه.