شئ نستخدمه ونغفل عنه .. ياربة البيت انتبهي..اللهم بلغت اللهم فاشهد...ضروري الدخول

السلام عليكم..
قرأت الأتى فى احدى المنتديات و اردت تحذيركن

راح احكي لكم القصه اللي صارت في العماره اللي ساكنه فيها وخذوا الحذر..

في يوم من الأيام كنت سهرانه على النت لأن ولدي كان صاحي فاضطريت اني اسهر معاه

المهم دخلت المطبخ عشان باقي شوية مواعين اغسلها دخلت شميت ريحة حريق استغربت !!!

دورت مصدر الريحه ماحصلت والريحه كل مالها تزيد المهم دخلت على زوجي صحيته..

قلت له: قوم في ريحة حريق في المطبخ...

قام دور على مصدر الريحه لقاها جايه من الشباك اللي مطل في المنور ...
قال لي: تصدقين شكل الشقه اللي تحتنا فيها حريقه اخاف اللي فيها نايمين ومو عارفين ان شقتهم تنحرق..

قلت روح بسرعه انزل لايجيهم شئ مساكين..

المهم نزل تحت الشقه شاف الدخان يطلع بشكل موطبيعي من شقتهم المهم جلس يدق الباب عليهم ومحد يرد عليه .......

اكتشف انهم مو موجودين.. وجلس يدق يدق .. جت الحرمه وزوجها من برى كانوا..في زواج.

طالعت الحرمه في زوجي وشافت دخان اللي طلع من الباب راحت على طول فتحت الباب وخرج الدخان وقعدت تصيييييييييييييح والله يابنات صياحها وصل عندي وانا في الدور اللي فوق المهم جلست تصيح على عيالها لأنهم في الشقه ... والشقه فيها حريقه المهم جلست تبكي زي المجنونه وتردد تقول: عيالي مالي غيرهم عيالي بينحرقون..

المهم ليله طويله ودقينا على الدفاع المدني ودخلوا وطلعوا عيالها .. الحمدلله كانوا عيالها نايمين
في الغرفه ومقفل الباب عليهم...
وطفوا الحريق...
المهم ايش سبب الحريق اكتشفو ان سبب الحريق هي...

الشفاطه

ايوه الشفاطه اللي في المطبخ تاركينها 24 ساعه تشتغل
وذابت المكينه وسوت حريقه في المطبخ والله يابنات دخان الحريق جلس يومين في العماره من قوة الريحه...

لذلك يابنات انتبهوا
يقول صاحب الشقه انا كنت في بيتي مع العيال 5 دقايق خرجت من بيتي عشان اجيب اهلي من الزواج
وصارت الحريقه..

انتبهوا ياربات البيوت الشفاطات في المطبخ او في الحمام قفليها قبل ماتخرجين لاتنسينها والله ماعرفت خطورتها الا بعد هذا االموقف اللي صار..

اسأل الله ان يحفظنا بحفظه

جزاك الله خيرا ياأختى على هذه النصيحة وفعلاكثيرمن النساءيغفلن هذاالأمرالخطير..

وجزاكِ كل خير وبارك فيك..

بارك الله فيكم أختي الكريمة

ينقل لقسم الشقائق لأهميته الكبيرة بالنسبة للأخوات

ايوه صادقه اختي والله صارت معايه بس الحمد لله ماصار حريق
بس انحرق وخرب
وفصلت الفيش
الله يجزاك خير

الله يجزاك الجنة اخية فعلا معلومة قيمة بورك فيك

الله يكفينا شر الحريق يارب

الان الناس لا تبالي باتفه الاسباب اللتي تسبب حريق مثال \شاحن الجوال,,وغيرهما

الله المستعان,,

ذكرتيني بقصة اخت من جيراننا احترق منزلهم من امر بسيط ليلا

والاهل جميعهم اجتموا مع بعضهم بسطح المنزل ونسوا

ابنتهم الكبرى الدكتوره

نائمه في غرفتها وعندما فتحوا عليها الباب وجدوها جثه سوداء متفحمه

اخواتي دعواتكم لها بالرحمه والمغفره..

لاحول ولا قوة الا بالله نسئل الله له الرحمه والمغفره وان يجعلها من الشهداء
بارك الله فيك اختنا على هذا الموضوع القيم

وجزاكن ربي كل خير وبارك الله فيكن..

لا حول ولا قوة الا بالله
الحمدالله انهم نجوا من الحريقه
مشكوره يا اختي على التنبيه وماقصرتي
جزاج الله كل خير