{.. رول الدياي بالكريمه .. }

الطريقه :

نسلق الدياجه < الدجاجه مع ملح وزيت وبصل وشوية بهار ..

نخليها تسلق لمدة ساعه الاربع تقريبن اواكثر كما في الصوره ..



بذمتكم مو كنها تقول يالهوووووووي )

بعدين نقص البصل والبقدونس ونبشر الجزر ونطلع الفطر من العلبه ونغسله ونصفيه..

بعد ماتستوي الدجاجه نقطعها قطع صغار مثل الشاورما بدون عظم ..

مثل الصوره ..



نجيب مقلاا ونحط فيها الزيت ونحط البصل نخليه شوي لما يستوي ونحط الجزر والفطر ونقلبه

شوي ونحط الدجاج الشاورما ونملحها ونبهرها على الذوق ..



نجيب عجينة السويتز ونقطعها بالنص ونحشيها بالحشوه مثل رول مثل الصوره..



ونصفها بالصينية انا سويت نص رول والنص الثاني طبقات

مثل الصوره..




طريقة الطبقات , نحط طبقة عجينه نحشي الطبقه ونحط فوقها عجينه ..

مثل الصور ..





والحين نسوي الكريمه طريقتها :

علبتين كريمة الخفق طويلة الامد << في منها ماركة المراعي < حلوه ماركه

وملعقتين جبن سائل والافضل انه يكون بطعم القشطه مثل ماركة المراعي ..



نخفقهم بس مو مره عشان لايثخن يعني نخفقه بس عشان نذوب الجبنه

ونصب الخليط فوق صينية الرول مثل الصوره ..



بعدين نحط الصينية بالفرن لمدة من 15 - 20 دقيقه على حرارة منخفضه لما تتشقر ..

ونطلعها ونقطعها وتقدم دافيه او بارده مع عصير ..



امي تقول مو جيين الببسي حطيت لكم عصير

وبالهناء والشفااء


منقول من بريدي

سلمت يداك
ومشكورة على جهدك

سلمت يداك

أختي آملي ..وطلة قمر,,
بارك الله فيكن ,,