ورق عنب بطريقتي الخاصه :) مسابقه اكلتك من طبخ ايدك

السلام عليكم ورحمة الله وبركاته

اليووم جبت لكم طبخه تعجبكم على ضماانتيي بدل البريااني الكويتيي اللي رااح وان سويتوهاا كل يووم بتااكلونهاا للي يحبوون الحواامضض طبختي اليوم طبعا انا ماني رااعية طبخ وهالسوالف لكن بمسااعدة طبااختنا الخاصه هي الورق العنب بدبس الرماان وزيت الزيتوون

المقادير هي :

ثوم . بصل .ملح.بهارات اللي قوطيه اخضر او بهاراكم العادي بس احنا نحط هالبهار بسوبرماركت.وبهارات مشكل مكون من كزبره وكمون وحبت حلوه .وزيت زيتون .وزيت ذره حق الطبخ العادي. ودبس رمان . وعصير ليمون.وطماط . وعيش مصري . وكزبره



الطريقه هي :

تحمسين بزيت الذره بصل مقطع صغار وحده كامله وثوم مهروس 4فصوص وطماط عدد واحد كبيره مقطع صغير والكزبره طبعا مفرومه وحده كامله وتحمسينهم بعدين تضعين فوقه ملعقة بهار اخضر ومعقة بهار المشكل وترشين فوقهم ملعقه صغيره ملح وتحمسينهم وتقلبينهم بنار ليم مايستوي وتجيبين ماجي الكرتون الصغير تحطينه معهم وتحمسين ليم ماتحسسين انه استوى تجيبين الارز المصري بكمية 3 اكواب تقريبا طبعا الارز يكون قبل كل هذا منقووع بماي وتقلبينهم كلهم بالنار ليم ماتحسون ان الارز استوى اذا حسيتوا انه استوى نجيب كوب ماي ونحطه قوق المقادير ونقلبه وهو بالنار ليم ماينشف الماي اذا نشف الماي اجيب 5 ملاعق دبس الرمان واجيب كوب صغير زيت زيتون وكوب صغير عصير ليمون واقلبهم كلهم على نار هادئه


وبعد مايستوي كل هذا اطلع المقادير من النار والف الورق العنب بالمقادير وبعد اللف اجيب جدر على حسب كمية الطبخه احط على ارضيته بطاط مقطع دوائر واضعه على ارضية الجدر ومن بعده اجيب اللي الورق العب اللي لفيتوه واصففه بالجدر واحطه على نار هاادئه تقريبا نص ساعه او اقل لان الارز مستوي وبعدين تحطين فوقه وهو بالنار كوب ماي وكوب زيت زيتون ودبس الرمان ارشه فوقه ليم ماينشف اطلعه
واخر شي يطلع بهالشكل





ملااحظه : أعذروني اذا خبصت بالعاميه والفصحه مااعرف اي شي مو مفهووم قولولي وبالنسبه للكمياات المقاادير هي حسبب الاشخااص وان شالله تعجبكممم




هذي الطبخه سويتهاا عشاان رضوووو

موفقة فطوم بالمسابقة ان شاء الله

جزاكِ الله خيرا

وعليكم السلام ورحمة الله وبركاته

وفقك الله أختي فطوم << : )

ما شاء الله تبارك لله
بالتوفيق أخت فطوم ورعاكم المولى

الله يعطيك العافية اختي فطوم ..موفقة إن شاء الله

ما شاء الله تبارك الله ..

الله يعطيك العافيه أختي فطووم

بالتوفيق إن شاء الله

ما شاء الله تبارك الرحمن

روعة يسلمو الأيادي

تسلموووووون

الله يعطيك العافيه ..

وبالتوفيق ان شاء الله ..

ربي يوفقك