اسعار الـdsl بالسعوديه

السلام عليكم ورحمة الله وبركاته،،


هالموضوع نزلته قبل سنه ونص تقريباً ... ولأهميته انزله مره ثانيه مع تحديث شامل لكل الاسعار ... وابحاول استعراض اسعار الدي اس ال بالشركات المقدمة لخدمة الإنترنت بالمملكة العربية السعودية مع تعليق بسيط على كل شركة ... ولإكتمال الموضوع اتمنى ان تضيفوا عليه ارائكم وانطباعاتكم عن الشركات اللي جربتوها ... وطبعاً اعتمدت بالموضوع على احصائية مدينة الملك عبدالعزيز لمقدمي الخدمة اللي بعضهم اول مره اسمع عنهم

http://www.isu.net.sa/ar/saudi-internet/lo...All-isps-ar.htm

الأسعار مختلفة بشكل لا يصدق فهي تبدأ من 99 ريال بالشهر وتصل الى 1500 ريال بالشهر (تراني اتكلم عن اسعار الافراد) ... شئ مضحك واختلاف كبير مع ان السرعات المتوفرة هي فقط ثلاث سرعات (64-128-256) ولا ادري على اي اساس بني هذا الاختلاف الكبير بالأسعار مع ان الخدمات متشابهه الى حد

كبير ... واذا نبي نتكلم بصراحة فمعظم الشركات سيئة ولكننا نبحث عن افضل الأسوء

نبدأ بشركة جيل لأنها الارخص حالياً

جيل



هذا عرض من جيل شوفوا وش يقول

<img src='http://www.jeel.net.sa/promotions/ADSLPromotionsGifs/promotion1.gif' border='0' alt='user posted image' />

<img src='http://www.jeel.net.sa/promotions/ADSLPromotionsGifs/promotion6.gif' border='0' alt='user posted image' />
سعر رخيص جداً واللي ما طلعت عنده الصورة اقوله

سرعة 64 بـ 99 ريال بالشهر
سرعة 128 بـ175 ريال بالشهر
سرعة 256 بـ 285 ريال بالشهر

يا بلاش ... لكن هل خدمتهم زينه والا لا ؟؟؟؟ وهذا السؤال المهم ... وياليت اللي مجربهم يعلمنا


نسما انترنت



مع نسما المشاكل لها طعم آخر ... واقدر اتكلم عن نسما بكل حرية لأني مجربهم لمدة 3 سنوات .... واذا ودك تشوف صفحات عمرها شهر او اكثر

اشترك مع نسما ... اكبر مصيبه عندهم هي الكاش ميموري وهم عارفين بالمشكلة لكن الوضع معجبهم لأنه يخفض عليهم الباندويث ... ولا انصح احد

يروح لنسما لأنها تمشي بمنحدر الله اعلم وين يبي يوصلهم

اسعارهم وهم يعتبرون ثاني ارخص شركة

64/64 كيلو بت بالثانية 160 ريال
128/128 كيلو بت بالثانية 250 ريال
128/256 كيلو بت بالثانية 380 ريال

سعودي نت



http://www.saudi.net.sa

ناس يقولون انهم من افضل الشركات وناس يقولون انهم من اسوء الشركات ... لكن الجميع يتفق ان الدعم الفني الله بالخير ... اتصلت عليهم علشان

اشترك قالوا لي لازم تمرنا قبل الساعه 4 العصر ... يعني اللي يبي يشترك لازم يستأذن من عمله علشان عيونهم والا يطلع من الدوام بدري يروح طيران

عليهم (ليش طيب كذا ... ترى راس مالها موظف راتبه 2000 ريال ويجلس من 4 الى 12 بالليل علشان الاشتراكات الجديدة)

اسعارهم هي:

1. سرعة 64k بتكلفة 230 ريال شهريا
2. سرعة 128k بتكلفة 380 ريال شهريا
3. سرعة 256k بتكلفة 560 ريال شهريا


اول نت


http://www.awalnet.net.sa



المثل يقول الغالي سعره فيه ... وهالشركة من الشركات الغاليه لكن ما اقدر احكم عليهم لأني ما جربتهم ولا اعرف احد جربهم ... لكني اتصلت عليهم

وردوا علي على طول وكان تعاملهم جيد ... وياليت اللي مجربهم يفيدنا

اسعارهم هي:

64 kbps بسعر 250 ريال
128 kbps بسعر 400 ريال
256 kbps بسعر 750 ريال



زاجل



دخلت موقعهم وليتني ما دخلته ... ما لقيت الا رماح واسهم وسيوف وخرابيط ... اما النكته اتصلت على الرقم المجاني وقلت لهم وش الفرق بين خطة

الرماح والسهم ... قال والله ما عندي خبر ... لكن خذ هالرقم واتصل عليه بكره وهو يعلمك خخخخخخخخخخخخخخخخخخخخخخ والله من زين الشركة

اسعارهم غير مفهومه وحتى هم ما فهموها وتلقونها بهالصفحة (بس الحق ينقال فيه ناس تمدح فيهم)

http://www.zajil.net/ar_al_shouhob_6in1.asp


اثير



http://arabic.atheer.net.sa

ما حطوا شئ بموقعم ... وفيه شخص اعرفه مجربهم ويمدح فيهم لكن اسعارهم نار ... اتصلت عليهم وسألتهم عن سرعة 256


الاسعار:

سرعة 256 بالشهر 810 ريال بشرط الاشتراك لمدة 3 شهور
سرعة 256 بالشهر 710 ريال بشرط الاشتراك لمدة 6 شهور

وما سألتهم عن السرعات الثانيه لكن قلت لهم انتم فاتحين الى متى لو بغيت اشترك ... قال فاتحين الى الساعه 12 بالليل ... والله الفرق ... سعودي

نت فاتحين الى 4 العصر وهذولا الى 12 بالليل


صحف



http://www.suhuf.net.sa/

اتصلت عليهم ويقولون ما عندنا DSL ... قهر كانت شركة ممتازة ايام الدايل اب


صحاري



http://www.sahara.net.sa/html/personal_ser..._a.asp#validate

ايضاً شركة كانت ممتازة بالدايل اب ... اما الدي اس ال فما ادري عنها

واسعارهم هي:

سرعة (64kbps) بسعر 249 ريال
سرعة (128kbps) بسعر379 ريال
سرعة (256kbps) بسعر 649 ريال



سيبيريا



http://www.cyberia.net.sa/ar_default_ADSL.asp

شركة غير مشهورة بالنسبة لي ... وممكن يكون هذا سبب ان الواحد يروح لهم ... وياليت اللي عنده اي معلومات اضافية يعلمنا

اما اسعارهم فهي غير موجودة بالموقع ولكني اتصلت عليهم وسألتهم عن سرعة (256kbps) وقالوا انها بسعر 500 ريال بالشهر غير المودم والتركيب



إي زي نت



http://www.ez.net.sa/dsl/dslprice.htm

شركة غير معروفه بس يوم دخلت على موقعهم قعدت اضحك ... ما قالوا وش السرعه اللي عندهم لكن شوفوا تقيسم السرعة مع الاسعار:


سرعة (عادية) بسعر 225 ريال
سرعة (سريعة) بسعر300 ريال
سرعة (سريعة جداً) بسعر 600 ريال

هههههههههههههههههههههههه لا تعليق على نوع السرعات اللي عندهم



أي سي سي



http://www.icc.net.sa/arabic/template.asp?id=43

لاتوجد اسعار بموقعهم لذلك اتصلت عليهم

اما اسعارهم فهي:

سرعة (64kbps) بسعر 200 ريال
سرعة (128kbps) بسعر 375 ريال
سرعة (256kbps) بسعر 750 ريال



شبكة نت



http://adsl.shabakah.net.sa/arabic/home.htm

لاتوجد اسعار بموقعهم لذلك اتصلت عليهم

اما اسعارهم فهي:

سرعة (64kbps) ما سألتهم
سرعة (128kbps) بسعر 265 ريال
سرعة (256kbps) بسعر 515 ريال



إس بي إم



http://www.sbm.net.sa/

لاتوجد اسعار بموقعهم لذلك اتصلت عليهم والأسعار ناااااااااار وهي اغلى شركة حالياً

اما اسعارهم فهي:

سرعة (64kbps) بسعر 375 ريال
سرعة (128kbps) بسعر 750 ريال
سرعة (256kbps) بسعر 1500 ريال




شهير نت



http://www.shaheer.net.sa/pricelist.html

هالشركة ما قد شفت احد يمدحهم ايام الدايل اب ... اما الدي اس ال فما اعرف ولا واحد تهور واخذ عندهم وياليت اللي مجربهم يعلمنا ... يمكن تكون

خدمتهم تغيرت

اما اسعارهم فهي:

سرعة (64kbps) بسعر 350 ريال
سرعة (128kbps) بسعر 700 ريال
سرعة (256kbps) بسعر 1300 ريال



شركة نور

http://www.nour.net.sa/eng_files/services.htm

المثل يقول : اللي هذا اوله ينعاف تاليه .... الشركة ما حطت اي اسعار بموقعهم ... واتصلت على الرقم المجاني ورد علي واحد كنه قاعد في بيت ... لا

عرف بإسمه ولا بإسم الشركة ... ويوم سألته عن اسعار الدي اس ال ... قال ما ادري ... امحق شركة وامحق دعم فني ... يقول اتصل الصباح على

الشركة واسألهم عن الأسعار ... ايه فاضي لكم اتصل الصبح



عرب نت

http://www.arab.net.sa

موقع الشركة طايح من زمان ولا لقيت لهم لا تلفون ولا غيره ... وبصراحة ما حرصت عليهم ... واللي عنده اي معلومات عن هالشركة ياليت يفيدنا



سعودي اون لاين

http://www.saudionline.com.sa

موقعهم طايح من فتره ... ورقم هاتفهم الموجود بموقع مدينة الملك عبدالعزيز ما احد يرد عليه



دي جي

http://www.digi.net.sa

دخلت موقع الشركة وكان انجليزي بالكامل ... ولا لقيت فيه اي اسعار ... كلمت عليهم ورد علي اثنين كلهم ما يتكلمون الا انجليزي ... وبالأخير عطاني

الاسعار لكنه يقول مانيب متأكد ... طلب مني رقمي تلفوني علشان يتصلون علي بكره ويعطوني الاسعار المضمونه ... وهذي هي الاسعار اللي عطوني

... وكانهم كلمون بكره ابكتب لكم الاسعار كان فيها اي تغير

سرعة (64kbps) بسعر 300 ريال
سرعة (128kbps) بسعر 400 ريال
سرعة (256kbps) بسعر 700 ريال


اتمنى من كل شخص مشترك بالدي اس ال ... يقول رايه بالشركات اللي جربها

وتحياتي للجميع

((( يرجى ذكر المصدر عند نقل الموضوع )))


لمعرفة أراء المشتركين القدامى وتجاربهم مع الشركات الرجاء اتبع الرابط التالي :
http://ib.vip600.com/index.php?showtopic=247


------------------------------------------------------------------------------------------

يا احبتي في الله انما جربت سعودي نت تقريباا سنه وحولت على شبكه نت وبصراحه شبكه افضل بس يمكن كنت على وقت طفرة سعودي نت واهم شي قيل الاشتراك اهتم بالمودم

جزاك الله خيرا اخي الكريم على هذه المشاركة

الدي اس ال عندنا اقل سرعة هو 384 ك ب ث ، و تكاليف ذلك تقريبا 250 للاشتراك الشهري و الموديم انت تشتريه على كيفك ، والتركيب تقريبا 100 درهم

اعلى سرعة تصل الى 2 ميجا ب ث ، و يصل الاشتراك الشهري 950 درهم

مع تحيات ويب ماستر

مشكور أخوي على هالمعلومات القيمة..

بس الله لا يهينك كم تكاليف التركيب بالسعودية( المودم+ توصيل الخدمة+...) وكم ياخذون الاتصالات


وشكرا

تسلم اخي علي الموضوع الجيد

اريد ان اشارك حول طلبك عن خدمة شركة جيل صراحه الشركه متذبذه في الخدمه

فمن بداية اعلانهم عن التخفيض والخدمه غير ثابته على مستوى فمرت ايام الماسنجر والبال توك وبشكل عام البرامج الصوتيه مره تعبانه لدرجه الواحد مايقدر يتحملها وانا اللحين افكر اغير الاشتراك وادور اغلى منه اشوي لكن الخدمه اتصير احسن لان الدي اس ال بدون دعم للصوت اعتقد ماتنفع حتى لو عرضوها بريال

فالقاعده انك تاخذ الاشتراك اللي يقدم خدمه تستفيد منهاوتوفر الوقت والمال لا ان تضيع الوقت والمال على شي مالافائدة منه

لكن لاكون عادلا خدمة جيل اليومين زينه ما ادري اصبر واشوف نهايتهم ولا اغير فأنا في حيره صراحه ..

واللي عانيته منهم يخليني اتردد اجدده شهر مو ثلاث شهور

طولت عليكم في الكلام بس بغيت اعطي الاخوه شي عن اشتراك جيل قبل ان يتور احد
لان فيه مشكله اخرى وهو انك ماتقدر اتغير اشتراكك من شركه لشركه اخرى
الا في حاله دفعت تأسيس ورسوم من جديد للاتصالات والشركه اللي بتشترك معهم الجديده
يعني انت تحت رحمتهم فنصيحه قبل ان تشترك لابد ان تسأل عن الخدمة اولاً
ولا يغرك الآسعار فقد تتورط بإشتراك وخدمه سيئة انت في غنى عنها لو أنك سألت أحد عنده تجربه ..
مع تمنياتي لكم باالتوفيق وشكراً

ويب ماستر قلت بنفسك بالامارات موبالسعوديه والمشكله اللي يقدمون هل الخدمات الضعيفه تلقى مركب ولده دونلود ستالايت واب لود دي اس ال 256 ngry:

ويادكتور الشبكه على حسب المودم اللي تبغاه وترا الكاتل اليي بـ1050ريال كويس وتلقى في بـ300 على ولازم يكون اول ثلاث ارقام من تلفونك تشتغل على الدي اس ال انا 364 وشغاله

1-تحويل الخط الى ديجتل
2-اشر مودم وكروت الشبكة والكيابل وما تكلف كثير
3-خل الشركة تشتغل لك الخط

------------
سعودي نت وبس ولا شبكه نت ولا جيل وربعه ;)

المشكله يا أخوان أن السالفه صايره مثل اللي يقدر يصيد أكثر من قبل الشكرات والضحيه هالفرد

تدرون أحد الشركات امسوين حيله في اصطياد المشتركين لأنه من يوم يشترك الواحد عندهم وهم عارفين نه خالص ماراح يقدر يغير إشتراكه تدرون ليش ؟&#33;

لان رسوم التأسيس والإتصال عاليه فالفرد مايبي يدفع مره ثانيه عشان يغير إشتراكه وخوفه بعد أنه مايقدر يلقى أحسن ويخاف أن يقع في شركه أسوء في الخدمه من سابقتها

تدرون أن الفرد لمايشترك لا يمكن توصل السرعه للسرعه المشترك فيها يعني في أوقات الذروه يكون الدايل لوب أسرع من الدي اس ال ليش لآنهم يعطونك خدمه مشتركه من قبل أكثر من شخص يسمونها شير وير يعني غير الشركات لما تقدم لهم خدمة ((الدي اس ال))
عشان كذا الشركه ياخذون عليها سعر أكبر من اللي ياخذونه من الأفراد

تعرفون أن الشركه لما تعطي إشتراك 90 ريال 3 شهور الأولى مقابل الاشتراك عندهم هو تخفيض في أول 3 شهور والتخفيض هذا هو بدل رسوم التركيب يعني لو خصمنا رسوم التركيب والتأسيس لدى الشركه المقدمه للخدمه تطلع 90 ريال في الشهر يعني ان الشركه تنازلت عن شي مقابل أنها تكسب مشتركين لأنها ستضمن إستمراه في المستقبل

لانه بعد 3 شهور راح تبين نتائج هذه التخفيض فالمشترك لاسمح الله لو توهق في هذا الآشتراك ويبي يغيره راح يواجه مشكله وهي تجديده ودفع رسوم أخرى ويكون بذلك ما إستفاد من التخفيض وتكون الشركه هي المستفيده

يعني الدعوه تسويقيه فأقول لاينجرف أحد وراء الدعايات إلا بعد التأكد من الخدمه
المقدمه