ايوه على راسى ريشه..عايز حاجه ؟؟؟؟

ايوه على راسى ريشه...عايز حاجه..؟!!!!

لما حضرتك
تكون باصص لنفسك اوى
وشا يف نفسك حبتين
وحاسس ان مفيش حد زيك
ولا فى عبقريه جنابك
وانك الود اللى ما جبتوش ولااده
وان رايك دائما هو الصحيح ولايحتمل الخطا وراى غيرى خطا ولايحتمل الصواب
وان حضرتك صاحب الافكار الذهبيه فى حل الامور المستعصيه
وان دائما الامور تاتى كما توقعت ....مش قولتلك...!!!!

يبقى حضرتك لمؤاخذه

انسان متكبرومتعجرف

وشايف الدنيا من عينيك بس وواخد فى نفسك ميه قلم واكيد قلم منهم هيوقعك الارض وتصرخ من الالم ولكن يخيل لى انك سوف تقول كلكم على ولاايه دى دسيسه ده مقلب معمول فى وانا اعرف ازاى ارد القلم قلمين والصاع صاعين ومش هافوتها ابدا.............

حضرات الساده والسيدات
دهه كان نموذج بنقابلوه بصوره متكرره ويمكن فى الايام دى اصبح بصوره ملحوظه بايخه وسخيفه وتخنق وتجيب العصبى ويمكن كمان تشل

كان فى دكتور اكبر منا بعده سنوات وكان بشتغل عمليه ممكن تكون صعبه شويه وبعد ان انتهى من الخطوه الصعبه اللى فيها اسمعنا الجمله التاليه (محدش يقدر يعمل اكثر مما اتعمل فيها وميتعملش احسن من كده ) طبعا كان ممكن يتعمل احسن من كده بتوفيق من الله عزوجل ولكنه الاخ الدكتور الهمام اراد ان يسد افواه الناقدين ويكتم السنه الناصحين بهذه المقوله
وعلى الفكره نفس الدكتور الهمام لازم يعلق على اللى بيشتغل ولو كان اصغر منه يبقى وقعته طين ويبقى لازم يسمع الكلام وياخد الغزر بطريقه حضره المحروس الدكتور صاحب الايدى اللامعيه فى اخذ الغزر الماسيه
فاخونا او اختنا اللى ميعجبهش العجب واللى دائما تلسع اصحلبها بالانتقادات ايه دهه هى دى طرحه تتلبس على العبايه دى ولا دى شوز تليق بالطرحه دى ووانت مجبتيش القماشه من عند موردنا ليه حد يجيب قماشه لونها كده ..
الكيكه لازم تتعمل بالطريقه دى ولازم تتحط فى الفرن لمده ثلاثه وعشرين دقيقه .....
ويمكن كمان شويه انجليزى اتعلمتم فى البريتش او شويه كمبيوتر اتعلمتم فى الاى بى ام يبقى الدنيا مش مكفايك انتكه وعنطزه على خلق الله

حاجه تفلق وتزهق

وطبعا الموضوع له ابعاده النفسيه وله ايضا ابعاده الايمانيه
طبيعيه الانسان وتكوينه وثقافته العامه والدينيه وترتيبه بين اخواته وعدد اخواته له دور فى جعل الانسان قابل لصفه الكبروفى احيان يكون الكبر والصلف وسيله دفاع عن النفس وتبرير خفى لما فى النفس من نواقص وعيوب ، والشخصيه المتسلطه والشخصيه النرجسيه يصدر منهم تصرفات تتسم بالكبر والتعنت وفى بعض الامراض العقليه تكون بدايه النهايه الغرور والكبر واننى احسن من غيرى
ولكن عايزين نوضح ان الانسان لو بصفه دائمه يراجع نفسه ويعرض تصرفاته على عقله ويتحاور ويتناقش مع نفسه ليه انا باعمل كده ليه انا اتصرفت كده وهو فعلا الموضوع كده زى ما انا قلت ولا انا متخيل حاجه تانيه وطبعا لن يحدث هذه المراجعه الا من خلفيه ثقافيه و دينيه وتبصر ووضوح لرؤيه الاخرين والعلاج السلوكى لمثل هذه الحاله يتمثل فيما ذكرناه من قبل و الارشاد النفسى من قبل الاب الام الاصدقاء والمعلم والمربى الدينى لهم التاثير الايجابى الكبير فى التغيير والرجوع الى حاله الاستقرار النفسى

عزيزى المتكبر واللى على راسه ريشه
انت خلقت من نطفه قذره ورجعت الى التراب جيفه نتينه ..لاتتكبر على خلق الله ومش لازم يكون رايك هو الصح لان علمك محدود وقدراتك مما كانت فهى محكومه وانت لاتملك من الامر ولا من نفسك شيئا وان الامور كلها بيد علام الغيوب سبحانه وتعالى وانظر بعين الرافه والرحمه للاخرين فان لم ترحم لن ترحم وتذكر دائما اخطاءك اذا كنت للاخرين ناقدا ..تذكر ضعف قوتك وقله حيلتك لترى بشريه الناس ببشريتك ...لاتعاملوا الناس كانكم اربابا وعاملوا الناس كانكم عبيدا

َلَا تُصَعِّرْ خَدَّكَ لِلنَّاسِ وَلَا تَمْشِ فِي الْأَرْضِ مَرَحاً إِنَّ اللَّهَ لَا يُحِبُّ كُلَّ مُخْتَالٍ فَخُورٍ (لقمان : 18 )

َلاَ تَمْشِ فِي الأَرْضِ مَرَحاً إِنَّكَ لَن تَخْرِقَ الأَرْضَ وَلَن تَبْلُغَ الْجِبَالَ طُولاً (الإسراء : 37 )

إِنَّ قَارُونَ كَانَ مِن قَوْمِ مُوسَى فَبَغَى عَلَيْهِمْ وَآتَيْنَاهُ مِنَ الْكُنُوزِ مَا إِنَّ مَفَاتِحَهُ لَتَنُوءُ بِالْعُصْبَةِ أُولِي الْقُوَّةِ إِذْ قَالَ لَهُ قَوْمُهُ لَا تَفْرَحْ إِنَّ اللَّهَ لَا يُحِبُّ الْفَرِحِينَ (القصص : 76 )

وَكَانَ لَهُ ثَمَرٌ فَقَالَ لِصَاحِبِهِ وَهُوَ يُحَاوِرُهُ أَنَا أَكْثَرُ مِنكَ مَالاً وَأَعَزُّ نَفَراً (الكهف : 34 )

ذَرْنِي وَمَنْ خَلَقْتُ وَحِيداً (11) وَجَعَلْتُ لَهُ مَالاً مَّمْدُوداً (12) وَبَنِينَ شُهُوداً (13) وَمَهَّدتُّ لَهُ تَمْهِيداً (14) ثُمَّ يَطْمَعُ أَنْ أَزِيدَ (15) كَلَّا إِنَّهُ كَانَ لِآيَاتِنَا عَنِيداً (16) سَأُرْهِقُهُ صَعُوداً (17) إِنَّهُ فَكَّرَ وَقَدَّرَ (18) فَقُتِلَ كَيْفَ قَدَّرَ (19) ثُمَّ قُتِلَ كَيْفَ قَدَّرَ (20) ثُمَّ نَظَرَ (21) ثُمَّ عَبَسَ وَبَسَرَ (22) ثُمَّ أَدْبَرَ وَاسْتَكْبَرَ (23) فَقَالَ إِنْ هَذَا إِلَّا سِحْرٌ يُؤْثَرُ (24) إِنْ هَذَا إِلَّا قَوْلُ الْبَشَرِ (25) سَأُصْلِيهِ سَقَرَ (26) وَمَا أَدْرَاكَ مَا سَقَرُ (27) لَا تُبْقِي وَلَا تَذَرُ (28)

وَلَهُ الْكِبْرِيَاء فِي السَّمَاوَاتِ وَالْأَرْضِ وَهُوَ الْعَزِيزُ الْحَكِيمُ (الجاثية : 37 )

دمتم بخير وصحه وراحه بال

عزيزى المتكبر واللى على راسه ريشه
انت خلقت من نطفه قذره ورجعت الى التراب جيفه نتينه ..لاتتكبر على خلق الله ومش لازم يكون رايك هو الصح لان علمك محدود وقدراتك مما كانت فهى محكومه وانت لاتملك من الامر ولا من نفسك شيئا وان الامور كلها بيد علام الغيوب سبحانه وتعالى وانظر بعين الرافه والرحمه للاخرين فان لم ترحم لن ترحم وتذكر دائما اخطاءك اذا كنت للاخرين ناقدا ..تذكر ضعف قوتك وقله حيلتك لترى بشريه الناس ببشريتك ...لاتعاملوا الناس كانكم اربابا وعاملوا الناس كانكم عبيدا

َلَا تُصَعِّرْ خَدَّكَ لِلنَّاسِ وَلَا تَمْشِ فِي الْأَرْضِ مَرَحاً إِنَّ اللَّهَ لَا يُحِبُّ كُلَّ مُخْتَالٍ فَخُورٍ (لقمان : 18 )

اشكرك على أسلوبك الرائع وطرحك المباشر ولكن لو كان باللغة العربية لكان أفضل حتى يستفيد الجميع في كافة الأوطان ...:: بارك الله فيك على صدقك في كلامك ونصائحك الذهبية تواصل معنا أخي الكريم في الإبداع في طرح المواضيع ...::