تصميم لي
يا اخي على ايش الكدر
و الضيقة و الهم و الضجر
أبسألك يا صاحبي!!
أمانة صليت الفجر؟
نويتها قبل المنام
أو نيتك بس بالكلام
وقت المنبه للصلاة؟
وإلا على وقت الدوام ؟
تخيل إنك ما صحيت
الموت جالك و انتهيت
بتقابل الله بأي وجه؟
و إلا بتقول إنك نسيت
الله عطاك الي تبي
لي متى يا صاحبي
لا تأمن الدنيا ترى
من يأمن الدنيا غبي
يا لاهي بلبس البشوت
و تفكر تعمر بيوت
سؤال واحد جاوبه
ما جا على بالك تموت
انت و انا نبغي الأجر
وقلوبنا ما هي حجر
يالله نتعاهد بالصلاة
من بكره ما نخلي الفجر