قصة جميلة من يعرف اللغز

قصة نوره وعايش ..

قصة نوره وعايش ..قصة حب رائعه وقديمه ..

قصه حقيقه حصلت في قريه قريبة من مدينة الرياض في السعوديه
قبل ان تسمى الرياض.
كان هناك شاب اسمه "عايش" يعيش في هذه القريه
وكان يحب بنت اسمها "نوره" ..
وفي يوم من الايام ذهب "عايش" لكي يخطب "نوره"
ولكن " ابو نوره " رفض
لأن "عايش" كان على قد حاله
وما عنده حلال ولا عنده فلوس كثيره ..
ف قابل "عايش" "نوره" بعد ما طلع من عند ابوها
وقالها : نوره انا رايح اشتغل ويصير عندي فلوس وراح ارجع اخطبك واتزوجك, ونوره كانت تحب عايش فوافقت انها تنتظره.
وسافر "عايش" الى منطقه مرموقه في السعوديه وصار يشتغل في التجاره ومرت الايام وصار عنده فلوس ورجع لقريته ..
عشان يطلب يد "نوره" من جديد ويتزوجها ولكن لما رجع القريه تفاجى ان "نوره" تزوجت لان ابوها اجبرها تتزوج وكان عندهم البنت لازم تتزوج اذا جاها شاب قادر على الزواج. وتفاجى ايضا انها مو بس تزوجت بل هاجرت الى مكان ثاني مع زوجها ولا احد من القريه يعرف المكان
فقام صاحبنا "عايش" وقال بيت شعر ..
(ابنشدك عن نور القمر وشلون نوره)
وقرر يسافر ويدور على نوره. ومر على القريه الاولى وراح وسلم على امير القريه وقاله انا عندي لغز واللي يجاوب عليه بعطيه كل حلالي فقاله الامير وشو اللغز قال اللغز:
(ابنشدك عن نور القمر وشلون نوره؟) ..
احد الجالسين قال له ابيض , واحد ثاني قاله رمادي , واحد قاله ماله لون , وكل الاجوبه غلط , محد عرف حل اللغز.
فسافر الى قريه ثانيه وطرح عليهم نفس اللغز ومحد عرف الجواب , و راح للقريه الثالثه ..
وكان تعبان من السفر فقالهم انا عندي لغز واللي يعرف يحله بعطيه كل حلالي , قالهم :
(ابنشدك عن نور القمر وشلون نوره؟) ..
و محد عرف الجواب فقال لهم انا اليوم بنام عندكم لاني تعبان واللي يعرف الجواب يقوله لي الصباح ..
ومن بينهم كان زوج "نوره"
موجود بين الحضور ولا كان يعرف "عايش"
فرجع للبيت ونادى زوجته نوره !!
قالت له :نعم ؟
قال: جانا اليوم واحد خبل يقول عندي لغز واللي يحله بعطيه مالي وحلالي كله, فقالت له: قولي وشو اللغز يمكن احله
قالها يقول ان لغزه هو :
(ابنشدك عن نور القمر وشلون نوره؟)
فبتسمت نوره وقالت له :عرفت الجواب
قال لها :صدق؟ قالت له :
قوله (مثل السمك في البحر وشلون عايش؟)
فقام الصبح زوج نوره وراح وقاله: انا عرفت الجواب
فقاله :وشو الجواب قاله
(مثل السمك في البحر وشلون عايش؟)
فبتسم عايش وقاله:
هذا مالي وحلالي وسلم لي على نوره .

لان كل تعبه وحلاله كان عشان " نوره " ..

قصة رائعه وجميله لكنها مؤثره
سلمت يمينك

بارك الله فيك ...قصة جميلة وتعبر عن الحب الصادق

لكن أرى في تصرفه تهور ...فالحياة ليست متوقفة على أشخاص معينين ....

شكرا لك ....