قصيدة أم لولدها بعد أن تركها في دار العجزة

السلام عليكم ورحمة الله وبركاته

قرأت هذه القصيدة فحبيت أنقلها لكم قصيدة مرة مؤثرة

وين انت يا حمدان امـك تناديـك

وراك ما تسمـع شكايـا وندايـا

يا مسندي قلبي على الدوم يطريـك

ما غبت عن عيني وطيفك سمايـا

هذي ثلاث سنين والعيـن تبكيـك

ما شفت زولك زاير يـا ضنايـا

تذكر حياتي يوم اشيلك واداريـك

والاعبك دايـم وتمشـي ورايـا

ترقد على صوتي وحضني يدفيـك

ما غيرك احدٍ ساكن فـي حشايـا

واليا مرضت اسهر بقربك واداريك

ما ذوق طعم النوم صبح ومسايـا

ياما عطيتك من حنانـي وبعطيـك

تكبر وتكبـر بالأمـل يـا منايـا

لكن خساره بعتني اليـوم وشفيـك

واخلصت للزوجه وانا لي شقايـا

انا ادري انها قاسيـه مـا تخليـك

قالت عجوزك مـا ابيهـا معايـا

خليتني وسط المصحه وانا ارجيك

هذا جزا المعروف وهذا جزايـا

يـا ليتنـي خدامـة بيـن اياديـك

من شان اشوفك كل يوم برضايـا

مشكور يا ولدي وتشكر مساعيـك

وادعـي لـك الله دايـم بالهدايـا

حمدان يا حمـدان امـك توصيـك

اخاف من تلحق تشوف الوصايـا

اوصيت دكتور المصحه بيعطيـك

رسالتي واحروفهـا مـن بكايـا

وان مت لا تبخل علـي بدعاويـك

واطلب لي الغفران وهذا رجايـا

وامطر تراب القبر بدموع عينيـك

ما عـاد ينفعـك النـدم والنعايـا

ابيات مؤثره جدا ولاحول ولا قوة الا بالله
بارك الله فيك

تحزن هالابيات الله المستعان في هالزمن فعلا فيه شباب تاركين امهاتهم ويريدون يودونها دار المسنين

الله يحفظ امهاتنا ويجعلنا بارين بهم يارب جزاك الله خير

المشاركة الأصلية كتبت بواسطة شوقي الى الله ابكاني

ابيات مؤثره جدا ولاحول ولا قوة الا بالله
بارك الله فيك

اللهم امين وفيك
شكرا فاضلتي على مرورك الكريم

المشاركة الأصلية كتبت بواسطة وردة امل

تحزن هالابيات الله المستعان في هالزمن فعلا فيه شباب تاركين امهاتهم ويريدون يودونها دار المسنين

الله يحفظ امهاتنا ويجعلنا بارين بهم يارب جزاك الله خير

اللهم امين,,
شكرا فاضلتي على مرورك الكريم