مذكرات ميت

للعظه وعدم الغفله
قمت من النوم فجأه.في عيني نور غريب وقوي جدا.استغربت النور ده كله جه منين.
وانفزعت لما لقيت نص ايدي داخل الحائط شديتها بسرعه خرجت.وانا ببصلها بكل اندهاش.
رجعتها تاني لقيتها دخلت جوه الحائط .استغربت ايه الي بيحصلي ده.وسمعت صوت ضحك.
بصيت نحيته. لقيت اخويا نايم بجواري.ولقيته بيحلم.بيحلم انه راكب عربيه اخر موديل.
وانه رايح حفله كبيره قوي.لناس اغنيه قوي.وانه لابس اغلي واشيك لبس.
عشان يكون احلي واحد في الحفله .وكان بيضحك وفرحان.ابتسمت....وبعدين انفزعت.....
من الي بيحصل.وقمت من علي السرير.وجريت علي غرفه امي وابي.قعدت اصحي في امي.....
واطبب عليها وانديها بس هي مش بتستجيب.قعدت انديها كتير واطبطب كتير.....
ولقيتها فجأه قامت. كانت مخضوضه قوي.وبتبص يمين وشمال.قولتلها.....
يا ماما انت مش شيفاني. لقيتها مش بترد ولا بتبصلي .قعدت انادي .ماما .......ماما......ماما.
كانت حاطه ايدها علي قلبها.وبتقول بسم الله الرمن الرحيم.ولقيقتها بطبطب علي بابا وبتصحيه.
وقام..قالت له قوم نطمن علي الاولاد...هو قال .ده وقته..قالتله معلش قلبي مش مطمن .
في حاجه غريبه.وانا واقف مستغرب .قعدت اقول لها يا ماما.. انت مش شيفاني ..يا ماما ..يا ماما.
قامت ومشيت. حاولت امسك ملابسها لكن الملابس مش بتتمسك.جريت وقفت قدمها ..
عدت من جوايا.ملقتش غير اني امشي وراها.وبابا كان ورايا .محولتش ابصله......
.عشان مايتجاهلينيش برده. دخلت امي الغرفه وفتحت النور...
مكنشي عندي فرق لان الدنيا كانت منوره اصلا.انفزعت لما لقيقتني نايم علي السرير...
وقعدت ابص لجسمي وايدي وانا مستغرب.انا ازاي بقيت اتنين.انا مبن ومين الي نايم علي السرير.
ده انا مكنش انا ....وقطع استغرابي .جمله بابا ..استريحتي يا ستي اهم نايمين اهو.
لكن امي قالتله معلش انا عاوزه اطمن علي محمد.ولقتها بتقرب مني قصدي من الشخص الي نايم.
وبطبطب عليه كانت بتقوله..يا محمد لكن هومش بيرد وكانت بطبطب بشويش وبدأت تهزه جامد....
جريت عليها وقلتلها يا ماما ان هو رودي عليا..لكن صوتها كان بيزيد خوف وكان بيعلي...
كانت بتنادي محمد ...محمد...محمد...وفجأه صرخت ولقيت الصرخه بتوجعني قوي...كأنها بتضربني.
بكيت..وقلتلها ..ماما ماتصرخيش.وهي بتقول محمد..محمد..وبابا جري علي وحط ايده علي وجهي.
وصرخ وبكي وحسيت بالوجع تاني .محمد مش بيرد والبكاء بيزيد وانا مش عارف اعمل ايه.
صحي اخويا علي الصوت وهو بيسأل فيه ايه.ماما صرخت اخوك مات ..اخوك مات ...
اخوك مات يا احمد مات .وانا بقولها ببكائي لأ والله .يا ماما انا هو شوفيني انت مش سمعاني.
لكن مافيش امل .بصيت للسما وقلت يا رب ايه الي بيحصل ده.لكن مالقتش سقف.
وشفت ناس ولما شوفتهم مشيوا .وحسيت بطعنه غريبه .وحجات بتقطعني بصيت لأحمد لقته بيصرخ
قلتله اسكت انت بتعزبني. لكنه كان بيزيد في الصراخ.وماما بتبكي في حضن بابا.
والنحيب بيزيد وقفت امامهم عاجز.ومزهول رفعت راسي تاني وقلت يارب.............
ايه الي بيحصل يا رب في ايه .وسمعت صوت من كل حته .
كان جي من بعيد ركزت معاه لقيته بيعلا وبيزيد كأنه قرآن.
ايوه قرآن والصوت بدأ يقوي قوي هزني من شدته كان بيقول.....
لقد كنت في غفله من هذا فكشفنا عنك غطاءك .فبصرك اليوم حديد
زهول الصوت لقيت ايدين بتطبق عليا اتنين شكلهم مش من البشر.
بيقولولي تعالي مين انتم وعاوزين مني ايه شدوني.
صرخت سيبوني ما مخدونيش من اهلي ....!
اهلي فكرني مت قالولي ما انت ميت فعلا.
قلتلهم ازاي ما انا شايف اهو وبتكلم وحاسس بكل حاجه .
ابتسموا وقالوا ...........
عجيب امركم يا بشر كلكم فاكرين ان الموت نهايه الحياه .
وما تعرفوش ان حياتكم موت وحلم طويل هتصحوا منه علي اليوم ده.
علي العالم ده سألتهم انا فين وانتو مين واخدني علي فين .
قالو.. احنا حراسك لحد القبر.... اتغزعت قبر ايه انتوا هتدخلوني القبر..
ردوا كل انسان لازم يدخل القبر.
بس انا عمري ما دخلت القبر ده مكتوب علي كل البشر .
طول عمري كنت بكره الكلمه دي.
مبحبش اسمعها بستعيذ بالله منها بحاول انسها.
مكنتش بقدر اتخيل نفسي في المكان الصعب ده.
سالتهم بخوفي هتسيبوني قالولي مع عملك... طيب عمل يده كويس سكتم .
ولقيت واحد بيصرخ ويبكي وواحد تاني سعيد اوي .
وكل واحد فيهم واقف معاه اتنين برده زي الي معايا سألتهم ده .
بيبكي ليه ...قالوا ده عارف مصيره.
طول عمره كان من اهل الضلال ...قلت يعني رايح النار.
والي بيضحك ده رايح الجنه ..طيب انا رايح علي فين قولولي .
ردوا عليه هما كانوا عارفين هما ايه في الدنيا ودلوقتي .
عارفين هما فين في الاخره وانت عشت طول عمرك تايه متردد.
شويه تمشي صح وشويه تمشي غلط.
شويه تتوب وترجع تعصي تاني مكنتش واضح.
هتفضل برده النهارده تايه مش عارف حاجه ...
اتفزعت وقولت ايه يعني.... ايه انا رايح النار .....
قالولي رحمت ربنا واسعه ولسه الرحله طويله.
بصيت ورايا لقيت عمي وابويا واخويا ماشين وراهم امي واهلي .
بيبكواشيلين صندوق جريت عليهم ناديت محدش بيرد.
ناديت علي امي قولتلها يا امي ما تبكيش ادعيلي ناديت علي بابا.
قولتوا يا بابا ....خلي بالك من امي واخويا ناديت علي احمد .
قولتله يا احمد خلي بالك من نفسك سيبك من الدنيا ومتعها .
دي رخيصه قوي ......
صدقني مش هتنفعك ناديتهم كلهم بس كانوا مشغولين بالبكاء.
ومحدش سامعني ......مكنتش بتمني حاجه في اللحظه دي .
الا انهم يسمعوني .....
وشدني الملكين ونزلوني القبر.
ونيموني فوق الجسد عشان اشوف ابويا .
وهوبيرمي التراب عليا.....بنفسه......
علشان اشفهم وهما بيودعوني خوفي عليهم انهم مش حسين.
بالي انا حسه.....
وحسدي ليهم انهم لسه في الدنيا بس للاسف.
كنت ببكي وهما بيبكوا...كنت خايف عليهم من الدنيا قوي .
واتمني لو اصرخ ولو يسمعوني .
وخرجم كلهم وقفلوا الباب والنور تحول سواد.
لا اله الا الله محمد رسول الله.

بارك الله فيكم

جزاك الله الف الف خير
ونفع بك