المشاركة الأصلية كتبت بواسطة عطر الشام
السلام عليكم ورحمة الله وبركاته
اهلا أختي واستاذتي الفاضلة زاد الرحيل
بسراحة لا تزعلي مني ما في أي اهتمام منكم ب أعضاء المنتدى
يعني ما في لا تفاعل ولا تشجيع ولا ردود الا ما ما ندر
في التطنيش والانتقادات
كنت كتير متحمسة أدخل منتدى اسلامي خاصة انو ميولي بالكتابة والاختيار
اكترها اسلاميات لكن ما لائيت حدن ياخد بيدي بس انا كتير بكتب وبتعب وبحاول اكون نشيطة
بالمنتدى الى انو ما في تفاعل ابدا بلشت احس بالملل وعدم الرغبة بوجودي بينكون مع انو
عندي اشياء كتير حلوة اضيفها للمنتدى للاستفادة منها بس للاسف عم بحس انو عالفاضي تعبي
لك حتى ما بردو انا فكرت انو ممكن ما بردو بهادا القسم وعم بكتب باغلب الاقسام لكن نفس الشي
المنتدى رائع ومتعوب عليه لكن اصدقاء المنتدى ما عم بتعاونو سوا ولا في حتى روح الأخوة
عكس اسمه تماما ال شو ملتقى الأحبة في الله وينهون واي ملتقى بخلينا نكتب ونكتب وما في ردة فعل
في كتير من مواضيعي تعبت عليها كتير اقسم بالله بس للاسف هادا المنتدى ما بقدر ولا بيعطي حماس
تمنيت انهون يثبتولي اي موضوع من الي تعبت فيهون بس عالفاضي لك حتى ما حدن تنازل يقرأو
ولشو نضيع وئتنا بهيك منتدى ما بقدر تعب ومجهود العضو
اكون معاكي صريحة اكتر انا رح أضل في المنتدى كم يوم ازا حسيت الوضع على ما هو رح اروح لمنتدى
تاني وهوني بصير اجي كيل اسبوع او اسبوعين مرة مو اكتر
واعزريني ست زاد الرحيل ازا بدر مني اي شي زعلك مني انا اقسم بربي اني بحبك بس انتي كتير شديدة
معي انا كتير حبيت الاخت ام عمر الفاروق والاخت يبقى الأمل لانهون طيبين كتير وازا راد الله بصير ادخل
كل فترة لحتى اقرأ مواضيعم وارد عليهون وبتمنى للمنتدى كل الخير والتألق والتميز لانو منتدى رائع لكن
متل ما اؤلتلك ما في حدن فيه بقرأ لهيك خسارة الواحد يضيع وئته عالفاضي
اختي زاد الرحيل ادعيلي من كل البك اي دعوة وربي يجزيكِ كل الخير والأجر ان شالله
اختك عطـر الشـام