مقاطع من جوالي استوقفتني

السلام عليكم ورحمة الله وبركاته

هذا المقال منقول من قروب ابو نواف


سبحان الله يا إخواني ..

قبل أمس ماسكه جوالي وأناظر مقاطع عائليه وذكريات وأشياء مسجلتها لها فترة بجوالي ..

وأناظرها .. وأقول .. ياااه ,

بعض الأشياء صارت وماكأنها صارت .. نسيناها ..

كلامنا .. ضحكنا .. سوالفنا .. كلها مسجله بالفيديو ,

أشياء فيها معاصي لنا .. مانقدر نجحدها .. مثبته بالصوت والصورة ..

أحياناً ممكن نشوف مقاطع فيديو .. فيها بنات يرقصون .. أو شباب يسوون حاجات غلط .. ونجي لهم بعد سنه او سنتين نوريهم .. تلقاهم ناسينها .. وما يذكرونها بس ما يقدرون يجحدونها ..

عاد أقول .. كيف سبحان الله .. يوم البعث ويوم الحساب .. لمن يسألنا الله سبحانه وتعالى عما اقترفت أيدينا .. ونجحد .. ونقول لم نفعل ,

كيف .. وكل شيء مسجل علينا .. أيدينا وأرجلنا وأبصارنا .. كلها بتشهد علينا .. وتثبت علينا .. و نصير بموقف حرج أمام رب العالمين ..

العين .. تبي تشهد على النظر المحرم ..

القدم .. تبي تشهد على ارتياد الأماكن المحرمة .. واللي فيها فسوق وفجور ..

كل الأعضاء .. تشهد عليك ..

لو أحد منا .. تُسجل عليه بالفيديو معصية .. ثم يشوفها بعد ما تطفى شهوته .. يبي يستحي من نفسه .. ويخجل ..

وماوده أن احد من الناس يشوفها ,

فكيف والملائكة تشهد ورب العالمين يشهد .. وحتى جوارحنا تبي تشهد ..

ماخلاني اكتب هالكلمتين .. إلا تذكير لنفسي ولكم .. أن كل شيء مسجل علينا وكل شيء سنحاسب عليه ..

استغفر الله لي ولكم ولسائر المسلمين من كل ذنب عظيم أو صغير ..

والسلام عليكم ورحمة الله ..

منقول ،،،

وعليكم السلام ورحمة الله وبركاته

جزاك الله خير أخي وسام المملكة على هذه النصيحة الطيبة

نسأل الله ان يتجاوز عنا ويغفر لنا ويرحمنا

بوركت اخي ولاحرمت الأجر من الرحمن